Page 139 - ebook.msu.ac.th
P. 139
การเจาะเสา
จักเจาะเสาให้วัดหักเอาแต่ตีนเสาทอดจิงดี บั้นเป็นส่วน จิงว่าโสกดังนี้
“ชัยยะ ยักขีณี สุกขะ มรณะ” ดังนี้ ถ้าเจาะได้ส่วนชัยยะดีแลฯ
ได้ส่วนยักขิณีอย่าเจาะบ่ดีนักแล
ได้ส่วนมรณะบ่ดีจักตายอย่าเจาะเทิน
การดูเกล็ดนาคก่อนปลูกเสา
อัน ๑ เมื่อจักปลูกเสาให้ดูที่ควรอย่าถืกเกล็ดนาคบ่ดี
ถ้าจักปลูกหนอีสาน จักเป็นทุกข์แล
ปลูกหนบัวรัพพา ผัวจักตายก่อนฯ
ปลูกหนปัสสิม บ่ดีฯ
ปลูกหนอาคเนย์ หรดี จักได้ลาภมากหนักหนาแลฯ
ปลูกหนพายยัพ จักได้ลาภเงินคำแลฯ
พิธีกรรมและวันสำหรับเจาะเสา
เมื่อจักเจาะปลูกเสาให้ได้วันดี จิงเลือกเอาเสาอันงามมาเฮียงไว้ จิงเขียนชื่อพราหมจารี ๑ โกสตรี ๑
ชื่อเพชชะ ๑ สุดท้อง ๑ แล้วให้ตกพราหมจารีเอาวางที่เสา คั้นวางเสาได้ก่อนให้เอาเสานั้นเป็นเสาเอก
ถ้าได้พรหมจารีก่อนให้เอาผ้าเกี้ยวเสานั้น
ถ้าได้โกสตรีให้เอาเหลืองเกี้ยวเสานั้น
ถ้าได้เพชชะให้เอาผ้าแดงเกี้ยวเสานั้นเทิน
ถ้าได้เสาสุดท้องได้เอาผ้าดำเกี้ยวเสานั้นเทินฯ
จักขุดขุมเสาให้เอาไม้ทองหลางเป็นด้ามเสียมขุดเสาแฮกเทินฯ ให้เอาคน ผู้ชื่อว่าจันนั้นขุดเสาขวัญผู้
ชื่อว่าแก้วนั้นให้ขุดเสาแฮกนั้นเทินฯ เมื่อขุดขุมเสาแฮกนั้นถ้าได้ถ่านไฟบ่ดี ให้นิมนต์พระสงฆ์มาขุด(สูด)มนตร์
แล้วจิงเอาน้ำหดขุมก่อนจิงอยู่ดีแลฯ
ถ้าได้ดูก ให้เอาน้ำมันแลใบบัวหลวงแลหญ้าแฝกมาใส่ก้นขุมจิงดีมีลาภมากแลฯ
ถ้าขุดเสาเรือนจักให้ดี
ให้ขุดทักขิน ๓ มุม
หนปัสสิมเป็นวงเดือน
หนอุดร ๔ มุม
หนบัวรัพพาแลอาคเนย์หรดี ๓ มุม
หนพายัพดุจจดังเดือนเพ็ง
หนอีสาน ๔ มุมดีนักแลฯ
137
