Page 140 - ebook.msu.ac.th
P. 140
การดูขี้ขวายสำหรับหลุมเสา
ผู้ใดจักปลูกเรือนจักขุดเสาแฮกเสาขวัญ
เอาขวายไปเบื้องหัวนาคจักแพ้พ่อเรือนแม่เรือน
เอาขี้ขวายเมื่อเบื้องหางนาคแพ้ลูกหลานข้อยคนบ่ดี
ขี้ขวายเมื่อท้องนาคจักมีคำสุขกะเสิมวุฒิจำเริญใจท่านจักให้ลาภข้าวของเพิงใจแลฯ
ให้ดีแท้ให้เอาขี้ขวายเมื่อหน้าท้องนาคซ้ายมือหางจิงดีแลฯ
ทิศในการหันปลายเสา
เมื่อแรกยกเสาอ่วายปลายเสาไปหนอีสานจักเป็นทุกข์
ถ้าปลายเสาไปหนอาคเนย์มีลาภ
ปลายไปหนหรดีจักอยู่ดีกินดี
ถ้าอ่วายปลายไปพายัพจักมีชัยชนะ
ปลายไปหนปัสสิมไฟจักไหม้
ปลายไปหนอุดรผัวเมียเถียงกัน
ปลายไปหนทักขินจักอยู่ดีกินดีมีลาภมากนักแล
ที่ต่ำสูงสำหรับปลูกเสา
ถ้าจักปลูกเรือนให้พิจารณาดูที่อันจักปลูกนั้น
ถ้าต่ำสูงหนอาคเนย์แลฯ ทักขินแลปัสสิม จักมีลาภมากนักหนาเกิดยศศะดี
ต่ำหนหรดี อยู่ยืนไปจักถอยลงแล
ต่ำหนอุดรแลทักขินแลอีสาน บ่ดีจักเสียตัวบ่ดีจักตายแลฯ
อัน ๑ ให้ดูที่เรือนก่อนจิงดีฯ
ถ้าสูงหนอีสานจักตาย สูงหนอุดรจักมีข้าวของเงินคำ
สูงหนบัวรัพพาแลอาคเนย์มีไชยะจักได้ข้าคนเงินคำ
สูงหนทักขินอยู่เย็นใจ
สูงหนหรดีซามตาย
สูงปัสสิมอยู่ดีกินดี
สูงบัวรัพพาดีนักแล
เดือนสำหรับปลูกเรือน
ปลูกเรือนเดือน ๕ จักเกิดโภยภัยอันร้ายมากนัก
ปลูกเรือนเดือน ๖ จักเกิดทรัพย์มากนักแล
138
