Page 134 - ebook.msu.ac.th

๑๒๕

พลหลวงดั้น หาญห้าวเร่งขบวน

หลายวันได้ หลายคืนติดต่อ

สามทัพท้าว ก็ไหลเข้าด่านดง

บั้นนายพรานสืบเห็นการเคลื่อนทัพของเวียงจันทน์

เมื่อนั้น นายพรานเฒ่า เดินดงเคยยิงแฮด

เห็นหมู่กองทัพล้าน พรานเฒ่าเทียวสอดแนม

คันว่า ฮู้ทราบแจ้ง ตามฮ่อมทางรหัส

จึงด่วนคืนพลันเถิง บอกพระตาจนถ้วน
คันว่า พระตาได้ ยินค าก็เหลือเหตุ

แม่นจัก ตั้งต่อสู้ ก็คงได้ม้วยไพร่เมือง

จึงได้มีสารใช้ เร็วไวขี่ม้าแล่น

เถิงผ้าขาวพันนา บอกเหตุการณ์มิช้า

หลวงราชอย่าอยู่ช้า ฮีบจัดแจงโดยพลัน

เดาดาเบื้อง อย่าให้นานหลายมื้อ

เหตุว่า กองทัพก้าม เวียงจันทน์ยกมามาก
สามทัพพร้อม พลตื้อหลั่งไหล

กับทั้งกองเบื้อง เมืองหลวงเชียงใหม่

เขาก็มามากล้น เดินย้ายแยกทาง

เฮาสามบ้าน ไปตั้งอยู่ทางใด

เขาจักยายกันตี ซ่อยกันบ่ได้

ทัพแข็งกล้า เหลือแฮงเฮาจักต้านต่อ

คันเฮาซ่อยบ่ได้ คือซิสู้บ่ไหว แท้แล้ว
คันเฮาขืนใจสู้ ทานก าลังลองเบิ่ง

เกรงจักเสียรี้พล ลูกเมียขายหน้า

พระวอ-พระตาในเอกสารใบลาน