Page 78 - ebook.msu.ac.th

๖๙

ลำนที่ ๓ หน้ำที่ ๑

-เร็จแล้วเถิงวันดีมื้อปอด ๒ ค่ าขึ้นเดือนยี่ย้ายฤกษ์งามยามดีได้สุภมังเลิศหวาม(รวม)พลหลวงดั้นหาญห้าวเร่ง

ขบวนหลายวันได้หลายคืนติดต่อสามทัพท้าวก็ไหลเข้าด่านดง เมื่อนั้น

-นายพรานเฒ่าเดินดงเคยยิงแฮดเห็นหมู่กองทัพล้านพรานเฒ่าเทียวสอดแนม คันว่าฮู้ทราบแจ้งตามฮ่อมทาง

รหัสจึงด่วนคืนพลันเถิงบอกพระตาจนถ้วน คันว่าพระตาได้

-ยินค าก็เหลือเหตุแม่นจักตั้งต่อสู้ก็คงได้ม้วยไพร่เมือง จีงได้มีสารใซ้เร็วไวขี่ม้าแล่น เถิงผ้าขาว พันนา บอก

เหตุการณ์มิซ้า หลวงราชอย่าอยู่ซ้าฮีบจัดแจงโดยพลัน

-เดาดาเบื้องอย่าให้นานหลายมื้อเหตุว่ากองทัพก้ามเวียงจันทน์ยกมามาก สามทัพพร้อมพลตื้อหลั่งไหล กับทั้ง
กองเบื้องเมืองหลวงเซียงใหม่ เขาก็มามากล้นเดินย้ายแยกทางเฮา

ลำนที่ ๓ หน้ำที่ ๒

-๓ บ้านไปตั้งอยู่ทางใดเขาจักยายกันตีซ่อยกันบ่ได้ทัพแข็งกล้าเหลือแฮงเฮาจักต้านต่อ คันเฮาซ่อยบ่ได้คือซิสู้บ่
ไหวแท้แล้ว คันเฮาขืนใจสู้ทานก าลังลองเบิ่งเกรงจักเสียรี้พลแล-

-ลูกเมียขายหน้า ให้ฮีบพากันเต้าคุมครัวเดินด่วน อย่าได้พักอยู่ซ้าวันนี้ให้ออกเดินลัดหลังข้ามพงไพรป่าไม้ใหญ่

ตัดใส่ปลายล าชี ล่วงลงทิศใต้ มันหากมีสะ-

-ถานบ้านบูฮานของเก่า ยังเหล่าเป็นที่ว้างเวิงกว้างท่งก็เพียงฮามเฮือนฮ้างคาเมแปนเป่า คือฮ้อยเอ็ดอยู่สร้าง

เมืองตั้งต่อมานี่แล้ว เฮาจักไปโฮมเต้าซุมกัน

-บ่อนเมืองเก่า ให้จัดเอาผู้ฮู้นายพรานดั้นส่องทางปุนแต่คนดีไว้ฮักษาเหตุค่ายหลัง ให้อยู่คอยสกัดตีอย่าให้มัน

ตามได้ เห็นว่าพอประมาณย้ายกองครัวไปพ้นเขตจึงค่อยหลบหลีกเลี่ยงถอย

พระวอ-พระตาในเอกสารใบลาน