Page 125 - ebook.msu.ac.th
P. 125
เดือนที่เหมาะ ไม่เหมาะ ตัดไม้ทำเรือน
ผิว่าจักหาเอาไม้เรือนให้ดีให้เอาแต่ในเดือนเจียง เดือนยี่ เดือน ๓ เดือน ๔ เทินฯ
ตั้งแต่เดือน ๕ เดือน ๖ เดือน ๗ เดือน ๘ เดือน ๙ เดือน ๑๐ เดือน ๑๑ เดือน ๑๒ แต่ ๘ เดือนนี้ไม้
ทั้งหลายป่วยเสีย บ่ดีแลฯ
ทิศที่เหมาะ ไม่เหมาะ ตัดไม้ทำเรือน
ผิว่าเอาไม้เบื้อง
บัวรัพพา(บูรพา) อยู่ดี
เบื้องอาคเนย์ ได้สัตว์ ๔ ตีน
ทักขิน จักได้กินอาหาร
หรดี โจรจักลักของ บ่ดี
ปัสสิม(ปัจฉิม) จักได้นาง
พายยัพ(พายัพ) จักได้ของดี
อุดร จักได้งัวควายดี
อีสาน พระยาย้องยอดีแลฯ
เดือนที่เหมาะ ไม่เหมาะ เอาเสาแฮกเสาขวัญ
ถ้าจักเอาเสาแฮกเสาขวัญให้เป็นมุงคุนอยู่ดีมีสุข ให้ในเดือนเจียง เดือนยี่ ออกใหม่นั้นเทิน อยู่ดีมี
ลาภซะการแล เดือนแรมอย่าเอาไม้เรือนเทิน บ่ดีแลฯ
ลักษณะไม้ที่ทำเสาแฮกเสาขวัญ
ไม้ต้นใดเป็นหง่าดก ใบหนาปลอดดี จิงเอาเป็นเสาแรกเสาขวัญเทิน วุฒิสวัสดีแลฯ เมื่อจักปัก(ตัด)
ไม้หัวทีนั้น ให้แต่งขันข้าวตอกดอกไม้ขาว ขัน ๕ บูชาเทวดา ไต้เทียนแล้วอ่วายหน้าเมื่อตาวันออก แล้วจิงอ่าน
คาถาอันนี้ ๓ ที ว่าดังนี้
“โฮมไม้โซนเปลือกหนา จักเมือฟ้าเรือนท้าวตื่น จักปลูกเรือนหมื่นห้องแลแสนเสาซู่ห้องซู่ซีนอน
ซู่ห้องคนเฝ้ากกมันจักเฮ็ดคอกควายปลายมันจักเฮ็ดคอกไก่ทำกลางมันจักไวไว้เฮ็ดไท้คำดีเยือกว่าดังนี้
แล้ว”
จิงว่าดังนี้ “โอน้อไม้ลำนี้สังมางามยอดยิ่งเดน้อ หง่าหนึ่งนั้นคือดังฮังกา หง่าตากนั้นคือดังฮังหงส์
หง่าเนิงนั้นถงเงินคำเพิ่นแลนมาห้อย หง่าซันนั้นเพิ่นขายข้อยแลนมาโฮม คือซิอยู่วุฒิเดน้อ”
ให้เอาขวานสับคาไว้ ออกมาทักว่า “โอน้อไม้นี้สังมางามยอดยิ่งเดน้อ กูอยากได้ไปเฮ็ดเสาเรือน
พระนางน้องนอนชมหมื่นห้อง พระนางน้องคือสินอนอยู่วุฒิสวัสดี มีฤทธียืนยาวหมั้นแก่นเดน้อ”
ว่าดังนี้แล้วจิงบักให้หักเทินปลายไม้
123
