Page 130 - ebook.msu.ac.th
P. 130
ลางบอกเหตุช่วงขุดหลุมเสา
เมื่อจักขุดเสานั้น
เห็นท่านเอาเงือกมากลาย เจ้าเรือนจักได้เงินคำดี
ผิว่าเห็นท่านฝูงอื่นเอาไฟกลายมานั้น เจ้าเรือนจักเจ็บไข้บ่ดี
ผิว่าเห็นบ่าวมาหาเรากลายไปก็ดี ได้ยินเสียงขับก็ดี เสียงเป่าปี่เสียก็ดี เจ้าเรือนจักอยู่ดีมีสุขลูกหลาน
หลายมีสุกขาสวัสดีทุกเมื่อทุกยามแลฯ
แฮกขุดเสาปลูกก็ดี เมื่อขึ้นก็ดี หากได้ยินเสียงปี่แคนนั้นดีนักแลฯ
ผิว่าเห็นท่านนุ่งเสื้อผ้าแดงแล ถือดอกไม้แดงมากลายนั้นไฟจักไหม้ เจ้าเรือนจักตายบ่ดีฯ
ผิว่าเห็นท่านอาบน้ำมากลายฯ ผิว่าเห็นท่านเอาหมากดังลูกไม้หัวมันมาหา เจ้าเรือนดีนักฯ
ผิว่าเห็นท่านเอาเต่าแลนมาหานั้น จักได้ข้อยหญิงชายดีแลฯ
คาถาสำหรับยอเสา
จักปลูกเรือนเป็นมงคล เมื่อยอเสาให้สูตรคาถาว่า
“อุฏฐาหิ เทวะตา พรหมา อนัตตา นุนรายิ เทวะ ลังกาละสา นิรันตะรัง สัพพะ ลาพัง ภะวิสสะเร”ฯ
ดังนี้
มนตร์ ๓ ทีแล้วยอเสาแฮกค่อยวางลงให้ปลายเสาแฮกซายก้ำอีสานก็ดีทักขินก็ดีวางไว้แล้วปลูกเสา
ขึ้นเทิน๚๛
ทิศปลายเสา
ปลูกเรือนให้ปิ่นปลายเสาไปเบื้องเหนือดีมีลาภแลฯ
ปิ่นปลายไปอีสานจักได้ข้าวของมากนักแลฯ
ดูความสูงของเสา
ผิว่าปลูกขึ้นแล้ว ผิว่าเสาแรกสูงกว่าเพิ่นให้ยอเสาอื่นหาแวนดี
ผิว่าต่ำกว่าเพิ่นได้ยอขึ้นหา บ่ซู่ดี
ผิว่าให้ดีแท้อย่ายอเสาแฮกขึ้นแวนดีแลฯคนปลูกแล้วให้ขึ้นดูเสาก้ำทักขินยังสูงดีฯ
ผิว่าขึ้นเรือนให้กลองกลางเสียนแวนดีจำสมบัตติข้าวของแลฯ
ผิว่าต่ำใต้ สูงเหนือฮ้อนใจ เป็นความฯ
สูงก้ำตาวันออกต่ำตาวันตก จักได้พี่น้องภายลุนจิบหาย
ต่ำเหนือสูงใต้บ่ดีแลฯ
128
