Page 131 - ebook.msu.ac.th
P. 131
ดูความเอียงของเสา
ผิว่าปลูกเสาแฮกให้ดูเสา
ซ้าย(ซ่าย, เอียง) เมื่อตาวันตก เจ้าเรือนจักตาย
ซ้ายเมื่อวันออก แม่เรือนจักตาย
ซ้ายเมื่ออุดร คนในเรือนจักผิดกันบ่ดี
ซ้ายเมื่ออีสาน ท้าวพญาจักให้ลาภกุนา(กรุณา) เจ้าเรือนแลฯ
ซ้ายเมื่อก้ำทักขิน อยู่ดีมีไชยชนะแพ้ข้าเศิกศัตรูแลฯ
การทำประตูเรือน
ผิว่าจักแปงปักตูเรือนกว้าง ๓ ฝาตีน ปลาย ๒ นิ้ว อยู่สวัสสดีแลฯ
ปักตูกะดี(กุฎี) วิหาร ๕ ฝาตีน ดีนักแลฯ
ปักตูท้าวพญา ๖ ฝาตีน แพ้ข้าเศิกแลฯ
การพาดบันได
ผิว่าก่ายคันไดหนวันออก ให้เอาไพร่เจ้าขึ้นก่อนดีฯ
ก่ายหนอีสาน เอาอันขาวขึ้นก่อน คือว่า เงิน ข้าวสาร ผ้าขาวขึ้นก่อนดีแลฯ ให้เอาเหล็กงาช้าง
แลหญ้าแพด รองภายนอกดีนัก แมนว่าทุกข์ก็สุขแลฯ
การนอนเรือนใหม่
ผิว่าเมื่อนอนเรือนใหม่ให้ปิ่นหน้าไปก้ำวันออกดี ผู้ชายให้นอนก้ำขวาดี แม่เรือนให้นอนก้ำซ้ายดี เมื่อ
กินข้าวให้หน้าเมื่อวันออกมีอายุหมั้นยืนแลฯ
ผิว่าอ่วยหน้าไปหนใต้มีข้าวของมากแลฯ
ผิว่าอ่วยหน้าไปหนตาวันตกมียศศักดิ์แลฯ
อ่วยหน้าไปเหนือบ่ดีแลฯ
ผิว่านอนปิ่นหัวไปบัวรัพพามีผลาแล
ปิ่นหัวไปทักขินดีมีอายุยืนแล้ว
นอนปิ่นหัวไปหนปัสสิมบ่ดีแลฯ
ปิ่นหัวไปอุดรบ่ดีแลฯ
การคัดเลือกไม้สำหรับทำแม่คีไฟ
ผิว่าจักเอาไม้คีไฟให้เอาไม้ดู่(ประดู่)เป็นแม่คีไฟ นึ่งข้าวกินอยู่ดีแลฯ
ไม้เปือยเป็นไม้คีไฟ มักต้องถืกไข้นึ่งข้าวบูชาผีแล
ไม้จิกไม้ฮัง(รัง) แก่นหมั้นนึ่งข้าวเพื่อคนหลาย
ไม้ทั้งมวลฝูงนี้ดีแลฯ อันอื่นครัวไม้ทั้งหลายอันว่ามานี้บ่ควรเอาสักอันแลฯ
129
