Page 132 - ebook.msu.ac.th
P. 132
ทิศในการตั้งประตูบ้าน
ผิว่าจักแปงปักตูบ้าน
ก้ำบัวรัพพามีชัยชำนะศัตรู
ก้ำอาคเนย์ไฟจักไหม้บ่ดี
แปงก้ำทักขินได้ข้าวของมากนักแลฯ
ก้ำหรดีจักมีโภยภัยอนตายบ่ดี
ก้ำปัสสิมจักมีลาภข้าวของมากดีแลฯ
ก้ำพายยัพเจ้าขุนจักข่มเหงบ่ดี
ก้ำอุดรอีสานดีขุนนางฮักจักให้ลาภข้าวของเพิงใจแลฯ
การแปงเล้า เยียข้าว แปงเรือน
ผิว่าจักแปงเล้าเยียข้าวให้แปง ก้ำปัสสิมดีนักแลฯ
ผิว่าจักแปงเรือนครัวให้เอา ก้ำอาคเนย์ดีนักแลฯ
การวัดโสกเรือนและเครื่องเรือนต่างๆ
ผิว่าโสกเสาเรือนให้เอาศอกเจ้าเรือนแทกไปว่าดังนี้ฯ
“หักหัวก่ายง้งๆ เพิ่นตีฆ้องมาเฝ้า เค้าเม้าหน้าไคคิง ทุมกาเฝ้าเป่าฮัก”ฯ
ว่าดังนี้ตามแต่มักสั้นยาวท่อใดให้ดีจิงเอาฯ
ผิว่าจักโสกกอดทอดให้เอาวาเจ้าเรือนแทกไปว่าดังนี้
“สนมูลคืนมาเค้า สองเฒ่านั่งทรงทุกข์ นอนสุกกินเท่าชั่ว ก้นถงฮั่วเป็นฮู สามชมชู้ชิงฮัก พักป่วาย
ไข้เสีย คายมีของหลายกระเหลือที่ไว้ ขี้ไฮ้เกิดเป็นดี เศรษฐีพลอยเป็นไฮ้ นอนตื่นได้ถงคำ”ฯ ว่าตาม
มักแล
ผิว่าโสกกลอนเฮือนให้นับคู่ไปว่าฯ
“ต่อนคำฟู คำฮอมหอมสิน ใดไฮ้ต่อตาย วายพลัดพราก ยากฮ้ายเพียงแก่งบ่อน นอนหลาย
ตีนตากแดด ได้นางเอื้อยนางอี่มาเรือน”ฯ ว่าตามแต่มักแลฯ
ผิว่าโสกครกให้บุนหนหวายไปว่า
“ครกมอง ท้องช้าง อ่างคำ” ดังนี้แลฯ
ผิว่าโสกแม่มองให้เอาชั่วตีนแทกให้ว่าดังนี้
“ไฮ้ต่อเท้า บ่ฝากข้าวแสนปี เป็นดีกว่าท่าน บ้านก้นลานซู่ปี เป็นดีบ่ฮู้ไฮ้ ท่านไฮ้กูมี เป็นดีบ่ฮู้
เสี้ยง” ว่าดังนี้แลฯ
130
