Page 113 - ebook.msu.ac.th

๑๐๔

บ่ได้หยุดอยู่ช้า เถิงบ้านบ่อนพักครัว

คันเถิงใกล้ จวนเขตหนองบัว

พระวอพาพล พักเหนื่อยเซาหายฮ้อน

จีงแต่งให้ คนส าคัญเดินข่าว

บอกพ่อเจ้า พลกล้าซิต่าวคืน

หยุดพักตั้ง พอคราวตอนบ่าย

ซิได้หยับเคี่ยนย้าย โยธาเข้าข่วงเมือง แท้แล้ว

บั้นพระตาออกต้อนรับทัพพระวอกลับหนองบัวลุ่มภู

เมื่อนั้น พระตาฟ้าว ให้เตินบ่าวหญิงชาย

ออกไปฮับรี้พล อยู่คอยแคมบ้าน

พอแต่กองทัพเข้า เถิงเขตคาเม

หญิงชายสาว โห่งันเฟือนพื้น

ไผเห็นชายซู้ คืนมาบ้านเก่า

ซ้ าเหล่าหัวยุ้มเป้ย ตาสิ่งเบิ่งกัน

เสียงสนั่นตราบต่อเท่า สามกองพักเซา แท้แล้ว
เลิกเมี้ยนเก็บเครื่อง นานาทั้งมวล

สัพพะสิ่ง มีมวนฟ้อน

แต่นั้น รี้พลย้าย คืนเฮือนเซาจอดแคว้น ตนแล้ว

เมื่อนั้น ฝูงเมียทั้งพ่อแม่ เห็นกันมาโดยดีก็ซื่นซมพอสะอื้น

พอคราวได้ สามวันพักเมื่อย

ตกแต่งเฮียน สะทวยค้าหมู่ก าลังพร้อม

อาหารพร้อม ปูปลาทั้งเนื้อป่า
มีทั้งลาบแลก้อย แกงคั่วซุบย า

บางคนคัวเขี่ยได้ ปลาค่อเผาไฟ

พอแต่เฮื่อเฮือยตก เครื่องลงคนฟันฟ้อน

พอเมื่อ เอาได้เนื้อ มาฆ่ากวางอังแปวไฟ

พระวอ-พระตาในเอกสารใบลาน