Page 119 - ebook.msu.ac.th

๑๑๐

ไทหาญกล้า ชาวพวกพลขันธ์

สองหมื่นเป็น เขตขันธ์ เดี๋ยวนี้อย่าให้นาน

สัพพะสารใช้ ของมีในกองทัพ

ช้างแลม้า เขนพร้อมเครื่องแต่งโต

ค้อนแลง้าว น้ าหมอกหลาวเหล็ก

ศิลาปืนเพลิง ให้ครบมวลเตรียมพร้อม

ให้อุปราชเจ้า เป็นแม่กองทัพ

คุมรี้พล ฮีบด่วนไปอย่าช้า

จงให้คุมกันเข้า ตีครัวให้แตกพ่าย
ตัดก าลังแต่หน่อย คันไว้ซิใหญ่สูง

คอมว่า พระสั่งแล้ว เสเนตรเกณฑ์พล

ตามที่มีโองการ ให้ด่วนเร็วอย่าช้า

ฝูงหมู่รี้พลเข้า ไหลมาเมืองคับคั่ง

ทั้งเสบียงไถ้ข้าว มีพร้อมซู่คน

คันฮอดเดือน ๓ ขึ้น วันอังคารมื้อ ๔ ค่ า

ได้สุมังคละเลิศล้ า ให้ตีฆ้องป่าวเติน
อุปราชเจ้า ก็ขึ้นขี่พลายสาร

โตที่งางวงงอน ดังคนแปงไว้

พระก็ ออกก่อนช้าง ในระหว่างพลเดิน

ก็หากดูงามสุด ดังซิบินบนได้

พระก็จัดบ่ช้า เดินฮีบโดยพลัน

วันคืนแถม ด่วนไปจวนใกล้

บั้นกองทัพเวียงจันทน์เกิดลางร้ายบอกเหตุ

วันหนึ่งเกิดอุบาทว์ฮ้าย บอกเหตุลางบ่ดี

พาพลเซากินงาย ท่งเตียนกลางแจ้ง

เกิดลมหัวกุดตั้ง หมุนเวียนกองทัพใหญ่

พระวอ-พระตาในเอกสารใบลาน