Page 121 - ebook.msu.ac.th

๑๑๒

พวกเฮาอย่าอยู่ช้า เดินฮีบโดยพลัน

ควรจักเอามันกับ ระหว่างภูทางแคบ

จัดกองหน้า หลวงราชโภชนัย

คุมรี้พลหลวง เดาเดินไปหน้า

คันว่า เห็นทีแล้ว คุมพลเข้าซิงยาด

ให้ฮีบฟันผ่าม้าง ตีเข้าอย่าให้นาน

คันเมื่อ เสียทีให้ ถอยขบวนเฮ็วฮีบ

แล้วจึงหยับเคี่ยนเข้า ถอยล่อให้ไล่น า

มันจักลืกเหมลน เสียกลบ่เป็นท่า
เถิงกลางดง ฮีบล่วงลงทางใต้

กองท้าวนามฟ้าว คุมรี้พลซ่อนในป่า

ทางดอนพุ้น คอยถ่าอยู่ปากดง

คันเขาตีกองหน้า ฮีบถอยคืนเข้าในป่า

มันจักก าเลิดกล้า หาญห้าวออกไล่ฟัน

คันมันตกฟากพี้ ซิตีหย้อให้แตกคืน

ความคิดสู้ ของส าคัญอยู่ปากส่อง
คงจักสมคะเนนึก ดังเฮาปองไว้

คันว่า จัดส าเร็จแล้ว ก็พากันย้ายออก

บ่ได้พักอยู่ช้า ฮีบเดินฟ้าวเข้าด่านดง

แล้วจีงแจงจัดไว้ ตามฮ่อมทางปรึกษา

อย่าให้มันเห็นฮอย ที่เฮาเตรียมพร้อม

แต่ว่า กองทัพหน้า หลวงราชโภชนัย

เธอก็ คุมโยธา ล่วงดงแถวไม้

คันว่า ได้บ่อนหมั้น สมดังความประสงค์

สั่งให้หยุดรี้พล หยุดคอยเตรียมไว้
พากันจัดตั้งค่าย พุ้นขอบกันปืน

ขุดเป็นสนามเพาะ แวดระวังวงล้อม

คอมว่า จัดส าเร็จแล้ว สามวันเป็นขนาด

พระวอ-พระตาในเอกสารใบลาน