Page 124 - ebook.msu.ac.th

๑๑๕

บั้นหลวงราชโภชนัยปรึกษากันวางแผนการรบกับเวียงจันทน์

หลวงราช จีงได้ปรึกษาพร้อม ปริพลนายหมู่

พากันหลบอยู่นี่ คอยซ้ าตอบมือ ก่อนเทอญ

เทื่อนี้ คันเฮาสู้ เต็มแฮงคือเก่า ดังนั้น

คงจักเสี้ยงไพร่น้อย ตายถิ้มป่วยการ แท้แล้ว

เหตุว่าทางเขาพุ้น ฝูงรี้พลมีมาก

ทั้งเหล่าตันหน้าสู้ บ่คือด้ามดังหลัง

คันเถิงวันฮุ่งเช้า ยามออกเล็วกัน

ให้สูฟันผ่าวง แล้วแตกคืนหลังก้ า
ท าขบวนดังย้าน ถอยคืนหยับเคี่ยน(เคลื่อน)

คันเขารุมไล่เข้า คืนสู้แล้วแตกหนี

หลอกให้ใจมันกล้า หึกเหิมฟ้าวฝั่ง

มันจัก จั้งบ่ได้ ซิคุมต้อนไล่น า แท้แล้ว

แม่นเขาไปพบพ้อ พวกซุ่มกองคอย

หากจักเสียพิธี บ่อนเสื่องกลเฮาพุ้น

เฮาจักถอยหลังสู้ หยับคืนตั้งต่อ อีกนั้น
มันจัก หายสงสัย ว่าแตกคืนโดยย้าน

คันจัก น าตีต้อน ติดตามฮอดทางหลุ่ม

พอสัญญาซุ่มซ่อน เตรียมพร้อมหมู่ก าลัง

ไทพวกซุ่มลี้ฮู้ เหตุลี้ไล่ถม ทัพแล้ว

หากซิสมคิดไว้ วันหน้าม่วนมือ หมู่เอย

คันเมื่อ ปรึกษาแล้ว กองตระเวนในนอก

ให้ระวังอยู่ล้อม ฮักษาไว้ซู่ทาง
นายสั่งแล้ว ย้ายแยกกันไป

พากันนอนเซาแฮง คิดการเมื่อหน้า

ทั้งหลายพร้อม เนานอนนิดทะเหน่ง

ฝูงไพร่น้อย พอนอนเสี้ยงซู่คน

พระวอ-พระตาในเอกสารใบลาน