Page 120 - ebook.msu.ac.th

๑๑๑

มันก็ห่อนหอบอุ้ม พวงช้างให้เวิ่นปลิว

เครื่องสัพพยุทธ์ทั้ง คือหอกปืนไฟ

ที่เขาซันเป็นแถว ก็หอบลงจนม้วน

ลมตลบอุ้ม ทุงชัยทัพพินาศ

คันทุงปักหางหัก ขาดลงจนเกลี้ยง

เป็นที่อัศจรรย์แท้ โยธาสะดุ้งตื่น

ก็เพื่อเห็นเหตุฮ้าย ใจเศร้าหม่นหมอง

นับได้สองหนแล้ว เสียทีบ่เป็นท่า

คันซ้ าสามเทื่อนี้ ก็โดยด้ามดังหลัง แท้น้อ

บั้นหนองบัวลุ่มภูสืบทราบข่าวการเดินทัพของเวียงจันทน์

เมื่อนั้น ฝูงคนใช้ สอบเหตุฟังรหัส

กองสอดแนมทางพระตา ก็ทราบการณ์ตรงเสี้ยง

เขาก็ กลับสู่บ้าน แจ้งเหตุตามมี

น าความเถิงพระวอ บอกการณ์ที่ตนฮู้

ตั้งแต่เค้า เท่าฮอดเถิงปลาย
ว่าเศิกเวียงจันทน์ ด่วนมาจวนใกล้

มหาอุปราชเจ้า เป็นแม่กองทัพ

พระก็คุมพลหาญ ด่วนมามิยั้ง

อีกบ่ช้า ในระหว่าง ๗ วัน

คงจักเดินมาเถิง บ่อนซ่องภูผนันล้อม

บั้นพระวอเตรียมพร้อมก าลังในการรบกับเวียงจันทน์

คันพระวอได้ ฟังการณ์ก็ซมซื่น

พระก็ เตินไพร่น้อย พลตื้อให้แต่งโต

พระวอ-พระตาในเอกสารใบลาน