Page 117 - ebook.msu.ac.th
P. 117
คนิงภายหลังก่อเฮือนแปงเหย้า
มีเหล็กให้หาหินไว้ฮองดีนั้น
มีปากฟันบ่พร้อม
แสนสิหย่ำก็บ่ยัง
มีเฮือนแล้วเคหังแปนเปล่า
เฮือนบ่มีพ่อเหย้าใผสิสร้างสืบมูล
(ปู่สอนหลาน วัดสระทอง บ้านทัน)
- หญิงใดบริสุทธิ์แท้ แพงตัวเสมอหญิง
บ่ได้ฟูมซากฮ้ายเชิงชู้เสพสม
หากอยู่หากสร้าง ตกแต่งการเฮือน
บ่ได้โทเลคั่วเทียวเฮกลางบ้าน
คันว่ามันจาต้านหวานหูมีม่วน
ฝูงหมู่คนผู้ฮู้เขาย้องว่าดี
ชาติที่อาจารย์เจ้าพลอยหาผู้ประเสริฐดีดาย
บ่ได้เป็นดังชายผู้ฮ้ายบายได้หม่อมือเจ้าเฮย
(ปู่สอนหลาน วัดสระทอง บ้านทัน)
- หญิงใดเนาสถานห้องเฮือนตนมีวาดดังนั้น
มันบ่ไปเทียวบ้านแผนหน้าฮอใผ
หญิงนั้นเป็นดังหม้อนิลบาง ทางใกล้เซ็งซาจิงแล้ว
ใผผู้ได้อยู่ซ้อนบ่มีไฮ้เยื้องใด
หากจักขนขวายได้ เป็นดีทุกเยื่อง
นับมื้อใสสิ่งแก้ว บ่มีเศร้าดังทอง
(ปู่สอนหลาน วัดสระทอง บ้านทัน)
- หญิงใดทำกระบวนไว้
พอสะงาวห่อนคล่องคือนั้น
มันบ่เฮ็ดลื่นด้ามเหลือล้นแพงพิมพ์
ก็ท่อจิตต่อตั้งหาเวียกการเฮือน
บ่ห่อนไปราวีแก่ใผเฟือนฟื้น
มันบ่โกรธาเคี่ยวผัวขวัญป้อยด่า
หญิงนั้นเทเวศเจ้าเทิงฟ้าซ่อยชู
คันว่าชายใดได้อย่าไลปะปล่อย
หญิงนั้นเป็นดังฝนห่าแก้ว
ลงล้างส่วยเลิงเจ้าเฮย
(ปู่สอนหลาน วัดสระทอง บ้านทัน)
115
