Page 118 - ebook.msu.ac.th
P. 118
- หญิงใดจงใจเมี้ยนสนิทดีแวนแจบ
ของใดควรประเสริฐแท้ถนอมไว้ที่ดี
มีอันใดไว้แวนดีปัดกวาดที่นั่งไว้แวนเกลี้ยงเปล่าแปน
หญิงนั้นเทวดาเฝ้าแสนองค์ป้องปลูก
ก็จักมีมากล้นลือไฮ้ฮั่งมี
ชายใดได้เทียมขวัญแขนขอด
ก็จักยู้อยู่สร้างเฮือนเหย้าชุ่มเย็นเจ้าเฮย
(สอนหญิง วัดสระทอง บ้านทัน)
- ชายใดใจบุญสร้างมหาทานทุกสิ่ง
ศีล ๕ ค้างในเนื้อซู่วัน
แม้นว่าจักทำการสร้างเฮือนกินพอชั่ว
ฝูงหมู่ฮู้ฮีตน้อยชาวบ้านฮ่ำเฮียน
วันยามฮู้คองดีอยู่แต่ง
บ่ให้เคืองเหตุฮ้อนคำแค้นเยื่องใด
(สอนชาย วัดสระทอง บ้านทัน)
- ให้น้องเลือกหมู่ไม้ลำดั้วจิงดี
อันนี้พี่ก็บอกให้ฮู้ยังฮ่อมคำคึด
ชาติที่เป็นแนวคนบ่ห่อนเยื้อนหาฮ้าย
(สอนชาย วัดสระทอง บ้านทัน)
- ชายใดฮู้ตั้งแต่งข้าว่าการเฮือน
มันกระทำเพียรสานต่าเซอบุงซ้า
หลาไนพร้อมกวักเปือสัพพะสิ่ง
แหแลซ้อนไซซ่อนซูดซวง
สัพพะสรรค์พร้อมลิงลาย
สัพพะสร้างต่างๆ นั้น กระทำสร้างถิ่นสวน
ชายนี้มีใจสงวนสร้าง การเฮือนเถิงขนาด
หญิงใดอยู่ซ้อนคำไฮ้บ่ห่อนมี
(สอนชาย วัดสระทอง บ้านทัน)
- ชายใดโถงกินเหล้าเมาเฮฮ้องโฮ่
เพ้งเพ้งฮ้ายเสียงเว้าฮืดฮือ
การเฮือนคร้านเฮนอนบ่หาเมื่อ
ฮุ่งค่ำเช้าเฮเล่นแต่สาว
(สอนชาย วัดสระทอง บ้านทัน)
116
