Page 112 - ebook.msu.ac.th
P. 112
ข้อห้ามของหญิงมีครรภ์
เฮือนใดมีหญิงผู้ถือพาคัพภวีก
บ่ควรตกแต่งสร้างบุญกว้างบวชเณร
สร้างกฐินพร้อมสร้างศาลาอัฒจันทร์ใหญ่ก็ดี
พระธรรมห้ามไว้ก็อย่าได้สร้างแปงแท้ดาย
อันหนึ่งสร้างขัวพร้อมให้ลูกบวชเป็นเณรก็ดี
ก็หากในธรรมสอนว่าบ่เป็นนาเจ้า
อันหนึ่งสร้างกระฎีพร้อมอารามพระธาตุใหญ่ก็ดีนั้น
กับทั้งสร้างพระพุทธรูปเจ้าฝูงนี้ว่าบ่เป็นแท้แล้ว
กับทั้งเอาเขาให้เป็นผัวเมียสมสู่กันนั้น
ว่าจะเสียปู่ย่าพร้อมตานายพ่อแม่ขานั้นดาย
อันหนึ่งอย่าได้ซื้อช้างม้าฝูงหมู่งัวควาย
ทั้งหญิงชายอย่าให้เอามาแท้
ฝูงนี้ในธรรมห้ามจะจิบหายทุกสิ่งจิงดาย
ให้พากันจื่อไว้เว้าซู่เมืองนั้นเนอ
อันว่าคำปากพระพุทธเจ้านี้หนักเกิ่งธรณีแท้ดาย
ให้คอยพากันฟังจื่อจิงจำหมั้น
ข้อห้ามของผู้อายุน้อย
อันหนึ่งใผผู้ยังบุญน้อยบ่ควรสร้างทุงดอกคำเจ้าเอย
กับทั้งฝูงเจดีย์บ่ควรกระทำสร้าง
อันหนึ่งขุดวิดพร้อมสร้างหีบให้เป็นทานก็ดี
บ่แม่นแนวคนฮามสร้างแปงจิงแท้
ก็จะมรณาล้มตายไปบ่หมดชาติ
อายุยังหนุ่มน้อยพระธรรมห้ามอย่าสร้างแปงแท้ดาย
ใผผู้ยังด้นสร้างก็ผิดธรรมสอนโลกจิงดาย
เป็นคองคุรุฮ้ายหนักแท้เกิ่งสะเมรุนั้นแล้ว
ชาติที่เดินไกลหลางนำทางให้ถามต่อไปดาย
อย่าได้วัดชื่อแท้สิคาป่าหั่นเจ้าเฮย
(ธรรมดาสอนโลก วัดสระทอง บ้านทัน)
ลักษณะไม้อัปมงคล
อันหนึ่งเฮาจะฌานตั้งอยู่สันนั้น
เฮาจะเว้าให้แจ้งพระธรรมเจ้าปานแปล
อันว่าไปหาไม้ปลูกเฮือนคองว่าง่ายนั้นลือ
110
