Page 114 - ebook.msu.ac.th
P. 114
อันหนึ่งลุกโขไม้สีกันดังอยู่ก็ดี
จะมาทำเครื่องเหย้าอันใดแท้ก็บ่เป็นเจ้าเฮย
แม้นว่าฝูงหมู่ไม้อันเฮากล่าวไขมาดังนี้
จะเอามาทำการอันใดก็บ่เป็นจิงแท้
จะเอาทำกระฎีสร้างอารามหลวงแลผาม(ปะรำ)ใหญ่ก็ดี
ก็จะแพ้ผู้ใหญ่แท้คู่ด้านผู้อยู่ทรง
คันจะแปงขัวให้คนทั้งหลายเทียวไต่ก็ดี
มันจิแพ้พ่อบ้านจิถ่อยหลุ่ยต่ำลงแท้ดาย
ฟังเอาท้อนทั้งหลายเอยจำจื่อเอาเทิน
ฝูงนี้ธรรมหากห้ามเสียแล้วอย่าด้นแท้ดาย
อันว่าไม้สิ่งอื่นนั้นก็ควรอยู่พอประสมแท้ดาย
ไม้หากเอาแปงเฮือนก็หากพอดีฮ้าย
อันนี้มัชฌิมาแท้พออยู่ปานกลางนั้นดาย
อันให้เถิงมหาอุตม์ก็บ่เป็นนาเจ้า
(ธรรมดาสอนโลก วัดสระทอง บ้านทัน)
ลักษณะไม้มงคล
อันว่าเคหังห้องอุตมังประเสริฐยิ่งจิงแล้ว
เฮาจะสอนสั่งให้ทั้งหลายแจ้งจื่อเอานั้นเนอ
ลำใดตั้งเหนือดินเพียงฮาบดังนั้น
บ่สูงบ่ต่ำคล้อยไปแท้ฝ่ายใด
ใบมันนั้นบ่คุงเคืองต้นอื่น
ลำปลอดเกลี้ยงงามดั้วดังงา
ชุมหลิงดูแท้คือสมกั้งฮ่ม
ก็บ่มีหง่าก้านตายค้างอยู่แกม
ให้มีมดส้มพร้อมดำแดงทุกสิ่ง
มาอยู่เฮื้อลำนั้นอเนกนอง
มีทั้งนกพร่ำพร้อมมาอยู่นอนคอน
ลำนี้เป็นมุงคุนประเสริฐดีเสาแก้ว
ลำนี้ควรที่เอามาให้เป็นแฮงดี
ขนาดแท้เฮือนแก้วเศรษฐีนั้นแล้ว
อันว่าเสาขวัญให้หาลำอันหนึ่ง
ลำนี้ยากยิ่งแท้นาเจ้าให้คอยเพียรนั้นเทิน
ลำใดตั้งดินสูงพอสน่อยดินนั้น
คอยซูก้ำสูงแท้ที่กลางสูง
112
