Page 101 - ebook.msu.ac.th

๙๒

บั้นกองทัพพระวอเตรียมพร้อมสู้กับกองทัพเวียงจันทน์ที่หนองบัวลุ่มภู

คันเห็นกองทัพเบื้อง เวียงจันทน์ข้ามฟาก มานั้น

พระวอจีงได้นัดไพร่น้อย หนีซ้อนป่าดง

อย่าให้เขาส่องฮู้ รหัสภายเฮา

อันว่า การภายใน อย่าให้เขาเผยฮู้

วันนี้ กองทัพเบื้อง เวียงจันทน์เหน็ดหน่าย

เหตุว่าเดินเมื่อยล้า ทั้งข้ามแม่นที

เขาบ่ฮู้เหตุเบื้อง เฮาอยู่ทางใด

ยังซิพากันหลับ เงียบเหงาทั้งค่าย
คันว่า เดิกประมาณได้ สามยามเป็นเขต

ให้สูจัดแจงมั่น ระวังพร้อมซู่อัน

ค้อนแลง้าว หลาวหอกปืนไฟ

ธนูเหล็กแหลม เครื่องฮางเคียนหมั้น

คันว่า จัดส าเร็จแล้ว เดาดาคาดเครื่อง

ตกแต่งตั้ง คอยพร้อมพร่ ามวล

แล้วเหล่าจูดซูดไว้ ผูกมัดเคียนหัว
เป็นเครื่องหมายสัญญา บอกกันเพิ่งฮู้

คันได้ยินเสียงฆ้อง ทีเดียวอย่าได้ยาก

ให้ฮีบออกจากลี้ มาพร้อมภายกัน

แล้วจีงเอากันเข้า ฟันแทงสับไขว่

อย่าได้ยั้งอยู่ช้า ตีต้อนให้แตกคืน

มันบ่ฮู้เหตุเบื้อง สะดุ้งตื่นตกใจ

บ่อาจจับอาวุธ ตอบคืนเฮาได้
คอมว่า นายสั่งแล้ว ก็ย้ายแยกกันไป

จัดให้เป็นกองแนม อยู่ดอนดงกว้าง

พระวอ-พระตาในเอกสารใบลาน