Page 105 - ebook.msu.ac.th

๙๖

บั้นกองทัพพระวอปรึกษากันเพื่อยั้งทัพที่ปากช่องภูเขา

แล้วจีงปรึกษาเว้า นายกองพวกไพร่

ควรเฮาหยุดอยู่ยั้ง เซานี่คอยสืบการ ก่อนทอน

เหตุว่าทางไปหน้า กองครัวเฮาหยุดอยู่

ก าหนดไว้ ให้ไปพุ้นก็ห้าคืน
เห็นว่าทางหลังพุ้น เวียงจันทน์คงเต้าไพร่

บ่มีได้อยู่ช้า พลล้านซิหลั่งตาม เฮาแล้ว

คันเฮาไปเล็วใกล้ กองครัวซิแตกตื่น

ควรเฮาฮั้งอยู่ถ่า คอยต้อนไล่คืน

เหตุว่าภูเขาขั้น ทางฮอมเป็นทางแคบ

ควรเฮาจัดแยกย้าย กองซุ่มสอดแนม

กองหนึ่งไปอยู่ซุ่ม ปากซ่องทางเทิง

แต่ให้ไกลทางเทียว อย่าให้เขาเห็นได้

ให้กองหลวงกัน สกัดกองทางลุ่ม
แต่บ่ควรอยู่ใกล้ เขาซิฮู้ฮ่อมคน

กองช้างม้า สัพพะสิ่งอาหาร

จีงให้พากันหลบ หลีกไกลคราวมื้อ

กองตระเวนนั้น ให้คอยดูอยู่ทุกซ่อง

คันเห็นต่างหน้า จับไว้ส่งทัพหลวง

อย่าว่าหญิงชาย แลสาวแก่แม่ฮ้างแก่

พระเถรเณรพร่ าพร้อม จับไว้อย่าให้เหลือ
จับให้เสี้ยง คนเทียวทางต่าง

คันเฮ็ดดังนั้น เขาซิฮู้ฮ่อมกัน แท้แล้ว

พระวอ-พระตาในเอกสารใบลาน