Page 106 - ebook.msu.ac.th

๙๗

บั้นพระวอวางแผนเพื่อต่อสู้กับทัพเวียงจันทน์

คันเมื่อ พวกกองหน้า เวียงจันทน์เข้ามาฮ่วม

ให้ฮีบปบแปวลี้ เดินฟ้าวแล่นบอกกัน

อย่าให้ทันไล่เข้า ในดงทางแคบ

เพียงเขาหยุดอยู่ยั้ง ทางใต้จอดลุ่มภู

พอประมาณได้ กองหลังฮอดในป่า

เฮาจักตีขนาบต้อน พลตื้อแตกกระจาย

พวกหมู่กองซุ่มซ่อน ปากด่านสกัดทาง

คันได้ยินส าเนียง ฮีบบอกกันเตรียมไว้
อย่าให้เขาหนีพ้น นายกองทั้งพวกไพร่

แล้วจีงขนาบไว้ สองข้างอย่าให้หนี แท้เน้อ

คันหากเสียกลให้ ไทเฮาพอสองเทื่อ

มันหากคึดขยาดแท้ บ่มีกล้าต่อมือ อีกแล้ว

แล้วจีงพากันดั้น น ากองครัวติดต่อ

ฮอดบ่อนเซาตั้งบ้าน แปงสร้างไฮ่นา

พากันเตรียมเสบียงไว้ พอมือเหมิดทุกสิ่ง
คิดว่าปีหน้าพุ้น ยังซิได้สู้กัน อีกแล้ว

ปานนี้เขาคงเต้า เกณฑ์กันบ่ได้อยู่

กะว่าเดือนสี่ค้อย(คล้อย) คงได้ต้อนต่อยกัน บ่อย่าแล้ว

คอบว่า เว้ากันแล้ว นายกองพวกไพร่

ก็หาก เห็นซอบด้วย ตามเจ้าแต่งการ

เขาก็จัดแจงไว้ ทางหนีทางไล่

ทางที่จักซุ่มซ่อน เสบียงไว้ก็ให้มี
ทั้งเหล่าจัดกองตระเวนไว้ เทียวไปมาสอดส่อง

เบิ่งเหตุการณ์พุ้นพี้ บ่มีให้ขาดยาม

คันว่า จัดส าเร็จแล้ว ก็พากันซมซื่น

ชวนกันเข้าป่ากว้าง แสวงเผิ่งเต่าแลน

พระวอ-พระตาในเอกสารใบลาน