Page 454 - ebook.msu.ac.th

๔๔๓

เขาก็ไหลหลั่งช้าง พลตื้อออกเวียง

ยาบๆเปื้อง ขุนใหญ่กงพะลี
นองพลไหล ออกเวียงยวงย้าย
ปะคือขาวเปื้อง ไปมาลมแกว่ง

ขวานล่วงฟ้า สารแล้วข่มพล
ลือเดชแท้ หาญท่อกงพะลี
ทงขอสาร หมื่นปายใสเข้า
หลิงเห็นเสินๆช้าง อินทร์สวรรค์ฟ้าเกื่อน ไปแล้ว
ปะคือแสดตั้ง กางเข้าเบิกไป

ใหญ่ๆช้าง หาญล่วงเลยไป
พลหลวงไหล หลั่งนองคือน้้า
ทงพายช้าง สารงามมหาโลก

ปะคือมุ่ยกั้ง กางไว้เบิกไป
ผ่อดูเชิดๆช้าง เพ็ชล่วงใสไป พุ้นเยอ
นองพลไป แปดแสนดูล้น
ทงพายช้าง สารงามย้ายย่าง

เสียงเสพก้อง ทะลังเท้าแผ่นดิน
ยาบๆเบื้อง เขาแกว่งปะคือแดง
ยนๆไหล หลั่งนองหลุยย้าย
เค็งๆก้อง เสียงศรีสมเสพ

เสียงเฟือนฟั่งฟื้น คือขว้้าแผ่นดิน แท้แล้ว
๏แต่นั้น สว่าๆท้วง ทุกที่กองแล
แซวๆเสียง เกี่ยวกันจีแจ้ว
เขาก็วางกลองท้วง ในเวียงเค้าคื่น

เสียงสนั่นพื้น สบูก้องฮอบเวียง
เมื่อนั้น บุพพิตเจ้า เตินหมูเสนา
สูฮีบยอพลหลวง ออกไปชนช้าง

ไหๆก้้า บาหาญขุนเอก
ทงยอดแก้ว สารกล้าเกี่ยวไป
ยาบๆเปื้อง เขาแกว่งปะคือแดง พุ้นเยอ
ยนๆไหล หลั่งหลุยเดินย้าย
เสินๆช้าง อาฮงทาคิ่น ไปแล้ว

ฮองพี่อ้าย บาท้าวเอกหาญ
ผ่อดูเซือดๆช้าง ท้าวเถือกสิงห์ทอง พุ้นเยอ
ปะคือแดงไกว ออกเวียงยวงย้าย

ยายพลก้้า ภายขวาขุนเอก ไปแล้ว
ท้าวเกสไหลหลั่งช้าง ภายซ้ายแกว่งปะคือ