Page 455 - ebook.msu.ac.th

๔๔๔

สะอาดช้าง สารใหญ่ชมภู

ปะคือเขียวไกว ออกเวียงมียั้ง
เสินๆช้าง ผาพังท้าวม่วน ไปแล้ว
ไหลหมู่เข้า ขนันเจ้าเอกหลัง

ยาบๆเปื้อง ปะคือมุ่ยหมายพล
พระก็วางสบูหลวง ลั่นเค็งคุงฟ้า
เมื่อนั้น ราชาเจ้า เมืองขวางเสด็จด่วน น้าแล้ว
คือดั่งน้้าบ่าห้วย นองล้นแผ่นดิน
ยาบๆเปื้อง เขาแกว่งปะคือค้า

พระก็หนุนคุณเมือง ข่มพลเดินเข้า
ชุมนี้ พลแพนก้้า เมืองขวางกษัตริย์ใหญ่
ไหลหลั่งช้าง สารต้นเคื่องค้า

เมื่อนั้น ยาบๆก้้า ท้าวทุ่มเมืองสรวง
ทงเขาทอง ออกเวียงอวนหน้า
ปะคือขาวเปื้อง ลมไกวหมายหมู่ ไปแล้ว
พลล่วงเท้า คือน้้าอั่งอาย

เคือเล่าขึ้นขวี่ช้าง สารใหญ่ควงสวรรค์
ปะคือแดงไกว แกว่งลมเซยเข้า
ไหลพลก้้า ภายขวาท้าวทุ่ม
พระก็วางลั่นก้อง สบูแก้วคื่นเค็ง

พระบาทขึ้นขวี่ช้าง สารใหญ่สิงคี
ปะคือค้าไกว แกว่งลมหนุนเข้า
กลองไชย์เบื้อง สองเมืองตีสนั่น
เสียงฟั่งฟื้น คือขว้้าแผ่นดิน

ปางนี้ เทวราชท้าว ย้านบาปกรรมเถิง
คอบว่า สามเมืองฮบ ฮาบกันกวนฆ่า
ผ่อดูยาบๆก้้า ชาวเทศจ้าปา พุ้นเยอ

เขาก็นองกันมา ดั่งซายไหลแล้ง
พระก็ถามอ้ายฮุ่งเซื้อ เปื้องแห่งจ้าปา
มันนั้น เซยคมตาว หมื่นลูงชายจื้น
ลูงหากกุมเฮาได้ จ้าปาท้าวฮุ่ง
เถ้าหมื่นจื้น กุมได้แต่หลัง

ปะคือเขียวนั้น ขุนไดอ้ายฮุ่ง
มันก็นบนอบไหว้ สองท้าวบอกพล
อันนั้น เขาว่าแสนเมืองท้าว จ้าปาแฮงมาก จิงแล้ว

ท้าวนั้น เคยฮับเข้า ชนช้างพาบซาว พระเอย
ภายขวานั้น อินทร์สวรรค์ปะคือแสด เขาแล้ว