Page 460 - ebook.msu.ac.th

๔๔๙

แต่นั้น ท้าวหมื่นจื้น ตีม้าผ่าพล

เมื่อนั้น ขุนเยียเปื้อง อัสสาฮบต่อ

เถ้าหมื่นจื้น มีช้าเงือดตาว
เยียเล่าฮับฝ่ายซ้าย ซิดดาบฟันเหิน

วางนิ้วมือชายหลวง ขาดเสียวางแล้ว

ลูงเล่ายอตาวเปื้อง กอยแฮงฟันป่าย
ตาวชิดข้าง เยียท้าวเลือดนอง เยียเอย

เชิงฮาท้าว ทั้งสองเสมอภาค กันแล้ว
ฮาค่อยแลกหนุ่มเหน้า เมียแก้วแห่งฮา ท่อลือ

เยียว่า เมียมึงโสมชั่วฮ้าย ชราการหนังเฮี่ยว
เยี่ยวท่อเป็นเหยือแฮ้ง กาฮ้ายซากผี บ่ฮู้

สังหากเอินเทินต้าน สะหาวความดูหมิ่น สังนี้

มึงสังเล่าคึดอยากได้ เมียแก้วแห่งกู นี้เด
อันว่า เมียกูแก้ว โสมงามเสมอหล่อ จิงแล้ว

คันว่า มึงหากเห็นเที่ยงแท้ ใจล้มหลูดทวง

ท่อว่า บุญลูงได้ เทียมสองยามหนึ่ง จานอ
นับแต่ได้ คืนฮ้อยบ่วาง แลนา

เยียเล่า คิดเคียดแล้ว เลยผ่าเผลียงลง
ลูงเล่ายอตาวฮับ ป่ายฟันทางใต้

เยียเล่าหลบหลีกเต้น หนีทันโตนผ่า
ลูงเล่าฮับต่อตั้ง ฟันแก้ยอดเชิง

ปายดาบเกี้ยว คอท่านขุนเยีย

เยียเล่ายอตาวไกว ขาดคอชายเถ้า ตายเยอ
ผีขอนฮ้าย ชายทามเถ้าถ่อย ตายท้อน

เลิงท่อจาเสพน้อย เมียแก้วแห่งกู นี้เด

สังหากโขนโซนแข้ว ตาเจือหัวก่าน สันนี้
ควรหน่ายแท้ อย่าได้ทอดถวาย ท่อลือ

ทัพชนช้าง

๏ค้อมกล่าวแล้ว เขาฮีบตัดหัว
ถวายแสนเมือง มอบฮางวัลให้

แต่นั้น เสินๆช้าง กงพะลีหาล่วง มาแล้ว