Page 95 - ebook.msu.ac.th
P. 95
บ่ใช่ไม้วิเศษ มุงคุน เป็นเฮือนเพิ่นบ่กลัวย้อง
มันมันจักเป็นเหตุต้อง ภายหน้าเมื่อลุน
บ่ฮู้หลายวันลุนฮุ่งเช้า
จิงคอยตั้งต่อเข้ามื้อใหม่
หาฤกษ์ยามดี วันดิถีวันดีมื้อชอบ
จิงสิได้ไม้ปลอดแก่นแก้วแก่นคาถา
ลำดีไม้ยาวฮีเหลือเหลื่อม
เฮือนหลายหม่องตุ้มพี่น้องโคตรเชื้อฝูงหมู่วงศา
ทั้งปิตตา มารดา พ่อแม่
ทั้งเฒ่าแก่แม่ป้า อาว อา
ทั้งตา นาย แลพี่น้อง
เข้าหว่ามห้องเฮือนกว้าง อยู่ดี
สมบัติบ่ไฮ้ ข้อย(ข้า)ส่วงใช้พอพัน
สะยัว กลอน ขื่อ ดั้ง
แป ค่าว หวายผูก
อาว ลิงลม ถากเกลี้ยงกลมไม้
เสาดั้ง อกไก่ พร้อมแปวบน
สับลิงลายวงวาด
กอดทอด คาดขบตง
ฝา เซน ซงแม้นท้อง
แป้นอัดป่องเบ็งชร
ไม้กลอนยาวๆ
ศอกตอกกิ้ว
หญ้าคาผูกไม้ตาหนูแทงหล่อไว้
ไม้ฝูงนี้วิเศษทั้งมวล บระบวรพอแล้ว
บัดนี้ข้อยสิแปงเชิงเชิดแก้วฮากแก่ เอามาก่อนเน้อ มาเยอขวัญเฮย
เข้าฟันตกต่อเจ้า
อย่าได้หักเข้าฟัน
ตกหลักเจ้าอย่าได้ค้าง
ให้เจ้ามาอยู่สร้างเฮือนกว้างอยู่ดี
เคราะห์เดือนอย่าให้มี
เคราะห์ปีอย่าให้ฮมเฮ้า (รุมเร้า)
เคราะห์มื้อเซา อย่าให้เห็น
เคราะห์กลางเว็นอย่าให้มาใกล้
93
