Page 99 - ebook.msu.ac.th
P. 99
บางพ่องจับขางแนเอาใส่
ตงลำใหญ่ ไขว่ขึ้นเมื่อบน
ลางคนคาดขางแห้ง
บางพ่องจับแก่งหญ้าเอาขึ้นมามุง
บ่นานเลยแล้ว แผ่สิ่น(ซิ่น) เสื้อ
ลางคนจับ ฝามาแอ้ม
แต้มฝา ใส่ลายจ้ำ ลายจวร
บอระบวนงามแล้วจิงขึ้นอยู่ห้องแอ้ม
อ่องต่องถืกแต่บ่อนปัว
นางทั้งมวลในจวน
ยังมีน้ำบ่อแก้ว
นางอาบแล้วสรงสี
ผู้ดีสุทธะยิ่ง
มาเป็นมิ่งเมื่อขวัญ ไชยะตุ ภวังคไชยยะ มัง คะลัง
บัดนี้เอาเสาแฮก ให้เจ้าเกิดเป็นคู่หอมชั่วซาววัน
เสาขวัญให้เจ้าเกิดเป็นแก่นจันทน์หอมชั่วคราวมื้อ
เพิ่นมาซื้อของให้แก่นเจ้าได้ง่าย
เพิ่นมาขายของให้เจ้าได้จ่าย
แต่พาเงิน พาคำเต็มครอบ
ให้เจ้าได้หอบเอา แต่แก้วแหวนทั้งมวล บระบวรทุกสิ่ง
บัดนี้ ข้อยสิยอเสาเฮือน ผู้ทุกข์ให้ได้เกิดเป็นดี
ข้อยสิยอเสาเฮือนเศรษฐีขึ้นให้ได้เป็นเจ้า
ข้อยจักยอผาสารท ก็ขึ้นให้เป็นหอราชยอดจอมธรรม
ข้อยสิยอแต่เตียงคำขึ้นให้แต่เตียงคำ ก็ได้เป็นรถแก้ว
บัดนี้ข้อยสิยอเจ้าตั้งขึ้นแล้วให้เจ้าเหย้าเจ้าเฮือน
อันนี้อยู่สวัสดี ทีฆายุโก สุขัง พะลัง อุ อะ มุ มะ มูรมา มีมาก
บัดนี้ข้อยสิเชิญขวัญเจ้าอยู่ฟากฟ้าโฮงหลวงหลังใหญ่ ก็ให้มามื้อนี้ วันนี้
ขวัญเจ้าไปอยู่ก่อสร้างหอราชโฮงทองก็ให้มามื้อนี้ วันนี้
ขวัญเจ้าไปฟันตงขึ้นแป ดงกว้างก็ให้มามื้อนี้ วันนี้
ขวัญเจ้าไปตัดไม้คั่วกลางดงก็ให้มามื้อนี้ วันนี้
ขวัญเจ้าไปฟันกลอนแปกลางป่า ก็ให้มามื้อนี้ วันนี้
ขวัญเจ้าไปเลียบโคกคอยฟันขื่อตีนภู ไม้แทงตาหนู ให้เจ้ามาเอาบานฮ่มใหญ่กว้าง
พอแล้ว ซู่อัน
97
