Page 96 - ebook.msu.ac.th
P. 96
ขวัญเสาแฮก เจ้าอยู่ป่าดอนหั้นก็ให้มามื้อนี้ วันนี้
ขวัญเสาขวัญอยู่ดอนแคมน้ำ
ขวัญเสาค้ำอยู่แคมเหล่าตีนดง
ขวัญแปวบนอยู่ดอนช้างน้าว
ขวัญขื่อ ค่าว โอยอาวกันมา มาเยอขวัญเอย
เจ้าบ่มาเขาสิแก่เจ้าข้ามป่าไม้ดงหนามาแล้ว
เจ้าบ่มาเขาสิแก่เจ้า
สิข้ามป่าคาดงกว้างมาแล้ว
ไม้ล้มขวางขินไขว่ตันทาง
เขาสิแก่เจ้าข้ามดงยางหลายย่าน มาแล้ว
ฮ่อมห้วยหาดตันข้อง
คีงหม่นหมองเกล้าเศร้า
ฮามอยากข้าวแลงงาย
เนื้อคีงลายกลั้วฝุ่น
อาบน้ำขุ่นเสียผิว
จูงควายเลยแก่มาผ่าแดด
แดดแฮ่งฮ้อนคาวน้ำแฮ่งไกล
สุดที่วิสัยเยื้อนคาวไกลยากยิ่ง
มาฮอดบ้านพอแล้วใจเจ้าจิงดี
การเฮือนได้มีพอครบเครื่อง
บัดนี้เจ้าจิงไปหาช่างยายเยื้องมาดุสิ่วฮู
เสาขางซอด
เสาเกลี้ยงปลอดยาวฮี
เสาเฮือนดีถืกโสก
เสานี้งามล้นโลกกว่าเพิ่นทั้งหลาย
ใผมากลายเหลียวเห็น ก็ย่อมย้อง
กับทั้งฝูงพี่น้อง ชาวบ้านชื่นชม
เป็นที่อุดมดีโฮมซาวหั้น
บ่อน ๑ ปุนไว้ ถ้าผูกช้างสารใหญ่เฮียงเกย
ห้อง ๑ ไว้ถ้าให้ลูกเขย ลูกสาวผู้ดีมาซ่วงใซ้
ห้อง ๑ ไว้ถ้าให้ลูกชาย สะใภ้ หลาน ส่ำมาแยงลูกชายแพงเคืองคำพอฮ้อย
หลอนว่าเจ้าสิได้ลูกสะใภ้น้อยๆ มาอีกจ่มใจ บ่ฮู้
ห้อง ๑ ไว้ถ้าหลาไนแล แข่งม้อน
94
