Page 97 - ebook.msu.ac.th
P. 97
ห้อง ๑ ไว้ถ้าให้พี่น้องหลายแห่งมาหา
ห้อง ๑ ไว้ถ้าทาสาข้อยข้า
ห้อง ๑ ไว้ถ้าแม่ป้าฝูงหมู่ลุงตา
ห้อง ๑ ไว้ให้ถ้าบิดามาดา พ่อแม่
ห้อง ๑ ไว้ถ้าเถ้าแก่หลายบ้านมาชุม
ห้อง ๑ ไว้ถ้าให้เจ้าขุนหลายทางมาเฝ้า
ห้อง ๑ ไว้ถ้าสังฆเจ้ามาเทศนาธรรม
ห้อง ๑ ไว้ถ้าเงินคำแล เสื้อผ้า
ห้อง ๑ ไว้ถ้าผูกช้างม้าสัตว์สิ่งงัวควาย
ห้อง ๑ ไว้ถ้า พี่น้องตานาย มาสู่
ห้อง ๑ ไว้ถ้าชู้เก่าฮ้างแต่งแลหม้ายมาซู
ห้อง ๑ ไว้ถ้าแปงป่องปักตูขายของเงินคำพอฮ้อย
ห้อง ๑ ไว้ถ้าแปงสว้าม(ส่วม)น้อยๆ ให้ลูกสาวนอน
ห้อง ๑ ไว้ถ้าแปงเบ็งชรแลป่องเอี้ยม
ห้อง ๑ ไว้ถ้าเจ้าวิเศษ สัพพะเทวดา ฝูงเพิ่นยังรักษาคุ้มครอง หมู่เก่า
มูลต่อเท่าเถิงเฒ่าชั่ว(เวลา)ทั้งมวล
บอระบวนสู่อัน ครบคู่
อันนี้ข้อยสิได้ไปเอา พี่น้องก้ำปู่ย่า มาหาก่อนแล้ว
ข้อยสิได้ไปเอาพี่น้องตานายมาช่อยค้ำ
คูนขึ้นให้ฮุ่งเฮือง
มาซ่อยยอเฮือนกว้าง
โฮงหลวงหลังใหญ่
ทั้งไพร่น้อยแลขุนกวาน
ทั้งอาจารย์แลนักปราชญ์
ฝูง ฉลาด ด้วยโวหาร
ทั้งหลานเหลนแลลูกเต้า
ทั้งผู้เฒ่า แลปานกลาง
ทั้งสาวฮามแลหม้ายฮ้าง
ฝูงพี่น้องอยู่ต่างบ้าน ยังบ่ทันมา
ตานายอยู่บ้านใกล้ยังไปทันมา
ฮอดแล้วพญาเจ้าจิ่งพร้อมกันมา
มายอขึ้นให้สูง
มาจูงขึ้นให้กว้าง
ฝูงฮ้างหม้ายฮ้างตกแต่งแลงงาย
ต้มสู่เลี้ยงแขกปานโฮมเฮ้าแต่งการ
95
