Page 98 - ebook.msu.ac.th
P. 98
มีของหวานแซบซ้อย
แต่งยื่นให้กินแล้วเล่านอน
บางพ่องมัวเมาเหล้าสุราฮ้องโฮ
บางพ่องเตอะปากก้องเฟือนฟื้น มีนั้น
มีทั้งพลูวันก้อน ยาเมาหมากอ่อน
บ่ห่อนหิวหอดไฮ้มีพร้อมสู่อัน
มื้อนี้แม่นมื้อสันวันดี ว่าแม่นมื้อเฮ้า
บัดนี้ข้อยจักยอเสาแฮกขึ้นแล้วให้ได้งัวแม่ลาย
ข้อยสิยอเสาขวัญขึ้นแล้วขอให้ได้ควายเขาช้องแม่ใหญ่
บัดนี้ข้อยจักยอเสา เฮือนอันนี้ หลังนี้ขึ้นแล้วให้อยู่สวัสดี
๑๐ หมอดีลุกมา แต่เมืองคาม มาคูนมายอ
๓๐ หมอลุกมาแต่พุ้น มาคูนมายอ
๖๐ หมอลุกมาแต่พุ้น มาคูนมายอ
๗๐ หมอเถ้าลุกมาแต่ภูหอ
หมอนี้บ่ใช่หมอธรรมดา
คาถานี้แม่นคาถาแต่เก่าหมอเฒ่าแต่บูราณ
๗ ใบยอ ข้อยสิเอามาหนุน
๗ ใบคูน ข้อยสิเอามาค้ำ
ให้น้ำออกบ่อกินเย็น ก็เป็นดีหลี
เหมือนดังพระรัสสีนารอดฟ้า
ให้เจ้ามีข้อยข้าหลวงหลาย
งัวควายหนาคับคอก
ช้างม้าพร้อมเนืองนันต์
แก้วแหวนคำวิเศษ
หมอกแก้วเกศเมื่อเมือง
คำเหลืองพระไชยศรี
ไม้แม่นแป้นแวนหนาอยู่
ผู้แก่นกล้าหุรามาน (หนุมาน)
เป็นคนหาญเจ้าสังคีบ (สุครีพ)
บีบเสาค้ำอย่าให้ตกแตก
เสาแฮกให้เที่ยงซัน
เสาขวัญให้หมั้นแก่น
ให้เจ้าหมั้นปานแท่นธรณี
แล้วจิงจับขื่อหยั่งขึ้นใส่สุบดวด
เลยลวดผูกกับแปวบน
96