Page 430 - ebook.msu.ac.th

๔๑๙

มันนั้น ฮบฮาบได้ หัวท่านชายหลวง หั้นแล้ว

พระก็วางพลลวา หมื่นตัวปงให้

ในพลก้้า บาหาญท้าวเกส
ยังท่อชายหมื่นม้า ลูงแจ่มเล่าถวาย

ลูงนั้นผมหงอกฮ้าย คือดั่งเลาคา มากแล้ว

พระก็ วางพลลวา หมื่นปายปันให้
ลูงนั้น อายุได้ สามซาวยังผ่อน เฮ็วแล้ว

ตาแห่งจื้น พันแข้วแห่งเจิง
พระก็ ปุนปูกท้าว ถือหมู่พลลวา

ลูงอาวเขา ซู่คนมวลพร้อม
๏แต่นั้น ราชาเจ้า เมืองสรวงกษัตริย์ใหญ่

พระก็ เตินป่าวให้ หาเซื้อชาติแนว

ท้าวทุ่มมาเล่าได้ น้อยอ่อนขุนฟุม
เป็นหลานลูง ทุ่มหาญถวายเจ้า

พระก็ วางพลม้า อานค้าพอหมื่น

ไว้แก่ท้าว ดาห้างขวี่ไป
ท้าวเทศมาเลือกได้ ม้ามิ่งตัวดี

เป็นหลานอาว มอบถวายเถิงเจ้า
บุพพิตเจ้า เมืองสรวงปุนปูก

พระก็วางหมู่ม้า ปันให้หมื่นปาย
เบื้องฝ่ายก้้า บาบ่าวขุนเคือ

มันก็เอาหลานคีง มอบถวายเถิงเจ้า

มันนั้น ชายเดียวน้อย หลานคีงบาบ่าว
พระก็ปันหนุ่มเหน้า ปงให้หมื่นปาย

เบื้องฝ่ายก้้า บาบ่าวขุนซิน

บาก็เอาลูกคีง มอบถวายเถิงเจ้า
มันนั้น ผมบางเบื้อง จอมขวัญล้านเถิก

ซื่อว่า ชายหมื่นโม้ ถือม้าหมื่นปาย
พระก็ โฮมพลแก้ว กองหาญหลายหมู่

จัดไพร่น้อย โฮมพร้อมซู่ภาย
เมื่อนั้น พระก็ต้านกล่าวถ้อย ถามหมู่หูฮา

ยามใดดี ฮีบทูลเผือท้าว