Page 425 - ebook.msu.ac.th

๔๑๔

เขาก็ หามราชา ฮ่มขาวกางกั้ง

นนตีพร้อม สะบัดไชย์ระเม็งขุ่ย

น้าคาบเจ้าลุ่มฟ้า มาตั้งท่งเพียง

เลิกซากส่งสะการพระเจ้าผายี

๏เมื่อนั้น ผู้ใสท้าว สหายราชทั้งสอง
พระก็ เตินเสนา แต่งกันไปฟ้อน

สูจงไปเวียนอ้อม ขอนผีฟ้าหยาด
ไกวแกว่งง้าว แพนฟ้อนข่มขวง

แต่นั้น ท้าวทุ่มได้ ขุนเอกบาหาญ
ทั้งขุนเคือ ฮีบไปเวียนฟ้อน

เขาก็ ไกวตาวอ้อม ขอนผีสามฮอบ

แล้วเล่ายอเงือกง้าว ลงล่้าเล่าหนี
ปะนมอาจท้าว สูงชั่วปายตาล

เขาก็ มุงแพขาว ก่อฟืนภายใต้

เขาก็ ยอกะโรงท้าว ผายีขึ้นสู่
ฟอนก่อตั้ง แปงไว้ท่อเฮือน

ไฟจูดท้าว ลนลวกผงกะจวน
จันทน์เหลืองแดง แต่งฟอนไฟไหม้

ควันไฟต้อง ตีลมหอมกิ่น
ฝูงหมู่ชาวผายี นีนันเนืองไห้

แต่นั้น ราชาเจ้า ทั้งสองกษัตริย์ใหญ่

พระก็เตินแต่งข้า ควายช้างสู่ขวัญ
สะเทือกพร้อม เขาเบิกบาศรี

ยอราชา โสรจสรงสองท้าว

พรหมาณาเถ้า ถวายพรตามฮีต
ตั้งปี่ฮ้อ ขาแต้เป่าสังข์

คื่นๆก้อง กลองเสพเค็งๆ
พิณแคนเสียง ทั่วเมืองดังก้อง

แต่นั้น ราชาเจ้า ทั้งสองยัวรยาต
จิงเสด็จสู่ห้อง หอแก้วค่อยเซา

เอกราชท้าว ทงแท่นบาลัง