Page 499 - ebook.msu.ac.th

๔๘๘

นางทั้งหลาย หลั่งน้าตีนเจ้า

เภรีก้อง บาคานหงวยหง่วน
พระก็ เสด็จด่วนเท้า นากว้างท่งเพียง
เมื่อนั้น ราชาเจ้า สองเมืองเสด็จก่อน

ฟ้าหยาดเจ้า เฮียงข้างแห่หลัง
ฟังยินว่อนๆก้อง เสียงเสพกินนรี
เขาก็ บินทางบน หลั่งไปน้าเจ้า
เขานั้น บริวารแก้ว ปทุมานางนาถ
ดีแก่ ชาวฟากฟ้า แหนเจ้าซู่คน

ฟังยินซวดๆก้อง เสียงปีกกินนรี
เขาก็ บินทางบน ฮ่มเมืองนครไท้ ที่นั้น
พลไหลเท้า ภูเก็งเขาใหญ่

ดีท่อ ข้าอยู่ด้าว ดอยกว้างผ่อดู
เมื่อนั้น อ้ายหง่้าได้ มันเผือกมาถวาย
ดีท่อ ชาวภูเก็ง ขาบกลอนกอยไหว้
เขาก็ พายโซนได้ น้าตีนพระบาท

พระก็ ไหลหลั่งม้ม ภูนั้นย่อมซัน
เดียระดาษเท้า เถิงที่ภูเส็ง
หลายวันคืน ค่อยเดินแวนเช้า
หลิงดูเทิงภูด้าว บุบผาบานหอมอ่อน

หอมล่วงเท้า ไพรกว้างซู่พาย ที่นั้น
พลล่วงม้ม ดอยใหญ่ภูเส็ง
ดีท่อวันสายแสง ส่องลงเงาไม้
เมื่อนั้น เล็งโญเจ้า เฮียงพายพักจอด

พระแก่นไท้ เซาฮ้ายฮ่มขวาง
ออดหลอดเนื้อ นางนาถสามกษัตริย์
เทียมบุญยวง อยู่เฝือแฝงเฝ้า

ถัดนั้น สาวสนมน้อย ระวังตนแหนแห่
พระเสวยโภชแล้ว ทวายน้้าสว่ายมือ
๏เมื่อนั้น พระบาทเจ้า พญาใหญ่สามกษัตริย์
พระก็ เฮียงกุญชร ซู่พายนอนหั้น
แต่นั้น คัชชนามท้าว พญาหลวงนิทเน่ง

ดีท่อ เหมือยหยาดย้อย ฮ้าพื้นซุ่มเย็น
ฟังยินว่อนๆก้อง เป็ดป่องปายผา พุ้นเยอ
คอนๆเสียง ไก่ขันขานก้อง

พอเมื่อดาราข้อน ทักขิณแฝงฝ่าย
ยุงเยี่ยฮ้อง ฮิมถ้้าก่ายคอน