Page 50 - ebook.msu.ac.th

๓๙

คัชชนาม

ขอประนมกรไหว้ มหาคุณองค์ประเสริฐ
ขอให้บุญหุ้มเกล้า เสถียรหมั้นหมื่นปี แด่ท้อน

๏บัดนี้ ข้าขอเอาตนเข้า ภายในหัตถะบาส
อุปฐากพระพุทธฮูปเจ้า องค์ล้้ายอดคุณ

กับทั้งมือสิบนิ้ว เป็นธูปเทียนทอง
ทั้งอุตมธรรมมุงคุล ฮุ่งเฮืองในพื้น

ดวงดอกไม้ บุพผาชาติเฮืองฮด แลนา

มาลาหอม กิ่นขจรถวายน้อม
สังโฆเจ้า เยืองทางกงโลก

ใต้ทะแหล่งหล้า บูชาเจ้าพระยอดธรรม

อย่าได้มีโภยต้อง อนตายบังเกิด
โรคาพยาธิฮ้าย อย่าได้เบียดเบียน

สัพพะโจรมารฮ้าย โยโสฝูงถ่อย
อย่าได้มาพ่างใกล้ ขอเว้นบาปเวร

กับทั้งผีสางเสื้อ โยโสให้เว้นห่าง
อย่าได้มาบังเบียดใกล้ กระท้าฮ้ายบ่ดี

ให้เหมือนตัวไก่แก้ว บินผ่านบึงหนอง

ขอให้พือปีกหาง เผ่นไปพอยพ้น
อันหนึ่ง ให้เหมือนดั่งน้้าบ่อแก้ว ใสส่องไหลลิน

ทั้งใจคอ ให้ผ่องใสขาวแจ้ง

หนองเลิกกว้าง ผญาล้้าญาณหลิง
อย่าได้บกเขินวัง ขาดแปนเขินท้าง

อันหนึ่ง ขอให้มีญาณกว้าง จักรวาฬพื้นแผ่น
เหมือนมณีโชติแก้ว ผญาล้้าเกิ่งเสมรุ นั้นท้อน

อันหนึ่ง ขอให้มีเตโชกล้า มารขามย้านย่อน
สัพพสัตว์ใต้ลุ่มฟ้า ลือล้้าอ่อนขาม

ให้มีบารมีกล้า อันธพาลแข็งข่ม

สูงยิ่งพ้น พระจันทร์แจ้งโลกลือ แด่ท้อน