Page 51 - ebook.msu.ac.th

๔๐

ขอให้อินทาไท้ พรหมสวรรค์ผายโผด

จตุโลกท้าว หลิงเยี้ยมส่องญาณ

ยมภิบาลท้าว อีสวนครุฑนาค
ทั้งยอดแก้ว นางน้อยเมกขลา

ขอให้มานั่งล้อม แฝงฝั่งตนเฮียม

จักได้แปนิทานธรรม ยอดพระองค์ลงใช้
พุทธภูมิแสวงดั้น กาลหลังมโนมาตย์

ได้ขน สัพพสัตว์ขว้ามย่านน้้า นะทีกว้างโยชน์ยาว
ได้เห็นจอมพุทโธเจ้า เมตไตโยองค์ประเสริฐ

เถิงดวงธรรมยอดแก้ว เมือหน้าให้ฮุ่งเฮือง แด่ท้อน

คัชชนามลงเกิด

๏บัดนี้ จักได้จาภาคพื้น ปางก่อนโพธิญาณ
ยามเมื่อ เทียวสงสาร โลกคนภายใต้

ได้มีเมืองหนห้อง นครศรีสาเกส

เป็นเขตบ้าน เมืองกว้างอยู่เกษิม
ยังมีราชาเจ้า ทงธรรมเสวยราช

พระบาทเจ้า ทงสร้างสืบเมือง เจ้าเอย
เสเนตรท้าว อนันต์เนกเหลือหลาย แลนา

บ่มีอนตายสัง เกิดมีมาต้อง
เทวีเจ้า มเหสีนางนาถ

สุขอยู่ย้อน บุญเจ้าเหลื่อมง้า แท้แล้ว

นักสนมน้อย แสนนางแหนแห่
สาวซ่วงใช้ พอล้านแกว่งวี

มีทั้ง นาโคช้าง พายสารแสนโกฏิ

กับทั้ง มณีกาบแก้ว พอล้านขวี่ทง
มหิงสาเซื้อ ทัวรพีควายเถื่อน

ดูมากล้น พอตื้อย่อมปาย
อุสุภะราชมากล้น พอตื้อติ่วปาย

เงินค้าล้น แสนกือกองโกฏิ
มะณีนิลโชติแก้ว พอล้านค่าเมือง

โยธาล้น เนืองนองขีนไขว่