Page 359 - ebook.msu.ac.th

๓๔๘

ตัวนี้ ไว้แก่ท้าวทุ่มเข้า ชนก่อนหัวพล

มันนั้นฤทธีแฮง เกิ่งพายสารช้าง

ใจหาญล้้า โลกากงโลก
ทั้งช้างม้า คนเต้าสี่แสน

ตัวหนึ่งเฮียกว่า คีรีช้าง งามงาด้าปอด

หางซวดพ้น ชนซ้้าบ่ห่อนหน
ตัวนี้ ไว้แก่ท้าวเทศเข้า ชนซ่องพายขวา

มันนองมาสามแสน แปดพันตางเจ้า
ตัวหนึ่งซื่อว่า ควงสวรรค์ฟ้า สะเทือนเสียงดังสนั่น

ดังทั่วเท้า ทั้งพื้นแผ่นดิน
ใจเบ่งกล้า หาญยิ่งเมืองคน

ไว้แก่ขุนเคื่องแข็ง ข่มพลพายซ้าย

มันนั้น อาคมได้ เฮียนถองจบเพท
พลมากล้น ปะมาณได้สี่แสน

ตัวหนึ่งซื่อว่า คชสิงห์ช้าง เพ็งมันเก้าสอก

งาเมิ่งล้้า ลวงย้อยสิ่งฝน
ใจเบ่งกล้า หาญยิ่งไฟเผา

นับแต่เห็นเงากา ไล่แทงทางพื้น
ตัวนี้ ไว้แก่ขุนซินค้้า ภายหลังขนันราช

พลมากล้น ปะมาณได้สี่แสน
ซุมนี้ เสนาท้าว แสนเมืองทั้งสี่

พระบาทเจ้า ปันให้ซู่ขุน

ตัวหนึ่งซื่อว่า ดาวพะกายช้าง สารงามเจ็ดสอก
หาญซวดแท้ ชนซ้้าสอดแทง

ตัวนี้ ไว้แก่ท้าวอุ่นเนื้อ ขุนทุ่มเป็นลูง

ให้บาทงพายสาร ฮุ่งงามพายส้อย
ตัวหนึ่งซื่อว่า เพ็ชล่วงช้าง หาญยิ่งเมืองคน

ตัวนี้ ไว้แก่ขุนจอมแข็ง ฝ่ายขวาขนันอ้าย
มันนั้น ชายงามน้อง บาหาญท้าวเทศ

ฮองพี่อ้าย แฝงข้างฝ่ายขวา
ตัวหนึ่งซื่อว่า กงสมุทช้าง สารงามย้อยหยาด

ไผผู่ต้องต่อหน้า ขวัญฮ้ายฮ่อเฝือ