Page 360 - ebook.msu.ac.th

๓๔๙

ตัวนี้ ไว้แก่ท้าวฮ่วนน้อง บาบ่าวขุนเคือง

ฮองบางาม ที่พลภายซ้าย

ตัวหนึ่งซื่อว่า อาฮงช้าง ผิวงามหงส์สะอาด
ตัวนี้ ไว้แก่ท้าวหล้า ผู้ใจกล้าแห่หลัง

มันนั้น น้องหล้าเจ้า บาบ่าวขุนซิน

เฮียงบางาม แห่หลังขนันไว้
ยังท่อสิงคีช้าง สารงามสิบสอก

ตัวนี้ พระบาทเจ้า เมืองกว้างเล่าทง
พระก็ปุนปองตั้ง พลหลวงหลายหมู่

เจ็ดหมื่นช้าง สารต้นเคื่องค้า
นับแต่ม้าเลือกได้ เก้าหมื่นอานค้า

พระก็ปุนปันยาย แจกขุนฝูงกล้า

ปันยายให้ อาชะไนย์ตัวอาจ
ขุนขวี่ม้า มีย้านย่อนกัว

ตัวหนึ่ง แวนสะอาดแท้ เฮียกซื่อลมพัด

ตัวนี้ไว้แก่ขุนฟุมทง ขวี่ผันผายเข้า
๏อันว่า อัสดรม้า ลมออนตัวยิ่ง

ไว้แก่ท้าวเลื่อนเข้า หัวต้องซ่อยเล็ว
ตัวหนึ่งซื่อว่า น้้าวิ่งต้อง โตนตาดฟองคะโยง

ไว้แก่ขุนไสผง ขวี่เล็วตางเจ้า
สามขุนนั้น ชายโถงท้าวทุ่ม

ลูงก็ฮักแก่นไท้ สามเจ้าเกิ่งกัน

ตัวหนึ่งซื่อว่า ลมล่วงไม้ ไหวแผ่นธรณี
ไว้แก่ขุนอวนทง ขวี่เล็วพลท้าว

ตัวหนึ่งลมลอดไม้ แผวป่าหิมพานต์

ไว้แก่ขุนใคทง ขวี่เล็วทางหน้า
สองบาไทท้าว หลานลูงท้าวเทศ

ตัวหนึ่งซื่อว่า ลมต่าวต้อง ตีฟ้งฟาดฟอง
ไว้แก่ภิเสกท้าว บาบ่าวธาดา

ก็หากเพิงใจบาคาน ค่องเชิงดูล้น
เป็นนามน้อง ขุนเคือบาบ่าว

ตัวหนึ่งซื่อว่า ลมพาดอุ้ม บนฟ้าเมฆโพยม