Page 365 - ebook.msu.ac.th

๓๕๔

ควรที่สองเขือขัด แข่งกันปางนี้

อันว่า เสนาผู้ คนหาญท้าวคิ่น

ให้ซ่อยอ้าย บาท้าวเอกหาญ
ท้าวอุ่นได้ กินซ่อยลูงตน

สูก็นั่งกินไป แทบเฮียงไหเหล้า

อันว่า ขุนหลวงผู้ คนหาญท้าวเทศ
ไว้แก่ท้าวเถือกฮู้ คนเหล้าซ่วงกัน

อันว่า จอมอ่อนท้าว น้องนาถบาหาญ
ให้ค่อยเอากันมา ฮ่วมดอมตนอ้าย

ขุนหาญผู้ คนหาญท้าวฮุ่ง
ข้อยฝ่ายก้้า บาท้าวเถือกหาญ

แต่นั้น สะพุ่งถ้อย เตินอ่อนขุนเคือ

ให้ซ่อยพลบาคาน เกสหาญคนกล้า
ขุนเคือไว้ สองเขือท้าวฮ่วน

สองพี่น้อง กินเหล้าฮ่วมกัน

อันที่ค้าเคืองนั้น โฮมเกสลูงตน
สองลูกหลาน ฮ่วมกันกินเหล้า

เสนาท้าว ขุนคานหลานม่อน
ให้ค่อยมาฮ่วมน้า กินเหล้าซ่อยกัน

ยินสนุกยิ่งแท้ เลี้ยงโห่การเศิก แลนา
สองราชา ม่วนยินสะออนอึ้น แท้แล้ว

เมื่อนั้น พระก็เตินขุนชั้น โยธาทุกหมู่

เขาก็ก้มขาบไหว้ ทูลเจ้าอยู่ซะลอน
อันว่า ท้าวเลื่อนผู้ บาบ่าวขุนฟุม

ให้ค่อยพันสองชาย อ่อนแสนแพนท้าว

อันว่า สุมลุมเนื้อ ขุนอวนใตอ่อน
ให้ค่อยพันแก่นไท้ อินทร์ท้าวท่านทวง

ซะซ่อนเนื้อ ใสอ่อนธาดา
เนืองกันมา นั่งเฮียงกินเหล้า

บ่เหิงนานแท้ สองเขือเป็นคู่
ให้ค่อยคุมหมื่นม้า บาท้าวเขื่อนเมือง

อันว่า ลูงหมื่นจื้น องอาจสาวสงวน