Page 393 - ebook.msu.ac.th

๓๘๒

น้าเอาหัว มอบถวายเถิงเจ้า

แต่นั้น ราชาเจ้า สองเมืองซมซื่น

พระก็ปุนแต่งให้ ฮางวัลแก้วแก่เขา
อันนี้ เขาหากมาสะหาวอ้าง ชนพายขันต่อ เฮานา

เผือได้ถางแผ่นฟ้า ไปแท้หล่มหลวง หั้นแล้ว

เขาก็กดพลท้าว สองเมืองดูถี่
เสียบ่าวแม้ง คนกล้ามากหลาย

เสียบ่าวแม้ง ยอมหมื่นสามพัน พระเอย
พลมีเหลือหลายแฮง เผือไล่ฮุมโฮมข้า

อินทร์ก็เอาพายช้าง ผาคางถวายบาท
พระก็เวนมอบช้าง วางให้แก่อินทร์

ขุนก็ยินดีได้ ผาคางช้างใหญ่

ยังเลาขึ้นขวี่ช้าง ใสหลิ้นแอบเชิง
แต่นั้น อวนก็น้าเอาช้าง ฮามเกียรติ์สารใหญ่

ถวายแก่พระบาทเจ้า เมืองกว้างที่สรวง

พระก็วางมอบให้ ช้างซื่อดาวพะกาย
ไว้แก่ขุนอวนทง ซ่อยชนตางเจ้า

เมื่อนั้น ราชาเจ้า สองเมืองค้อยคั่ง
เทื่อเสียบาบ่าวแม้ง สองท้าวยอดหาญ

เสียดายท้าวอุ่นแก้ว ค้าเคื่องบาหาญ ฮาเด
พอยเล่าวางคีงตาย จากสองเผือท้าว

บัดนี้ ควรที่ไหลพลเข้า เต็งเวียงนครราช เขาเทอญ

แต่นั้น พระเล่าย้าย พลตื้อล่วงเต็ง
ข้าเขือกฮ้อน กางทุ่งเป็นเวียง แลนา

เขาก็ ลงแฮงดูขุด เกื่อนถมตีนต้าย

สารแต่งตั้ง ระวังเวียงเลียนแผ่น
ต้ายเตี่ยตั้ง เลียนล้อมเลียบเวียง

สองอาจกว้าง ยาวโยชน์ยินขาม
เขาก็โยงกลองไชย์ อุ่นพลแพนท้าว แท้แล้ว