Page 402 - ebook.msu.ac.th

๓๙๑

ก็ท่อลือเฮาเบื้อง ผายีเป็นอาจ จิงแล้ว

ไผผู่ยังขี้ย้าน ให้ฟันข้าขาดคอ หั้นแล้ว

เทลูกเต้า เมียมิ่งภายหลัง
ตนตายเกณฑ์ ลูกเมียทางบ้าน

เพื่อประเทศชาติแท้ ยอมอบชีวิต

ขออาสาชีวัง ต่อเมืองนครกว้าง
กุมกันซ้อน ซูซนแทงผ่า ปางนี้

พระบาทเจ้า เตินต้านซู่ขุน
แต่นั้น สัตทันต์ช้าง ขุนอวนทะยานออก

แห่พระเจ้าลุ่มฟ้า หัวต้องซ่อยชน
เชือดๆช้าง สารใหญ่ธนูทอง

ขุมฟุมทง แห่ขวาขนันไท้

แต่นั้น เสินๆช้าง กะดานพลท้าวเที่ยง ไปแล้ว
แห่พระเจ้าลุ่มฟ้า ภายซ้ายซ่อยชน

ฟ้าเลื่อนไว้ ขนันอยู่ในเวียง

ทั้งขุนเพ็ง อยู่ตันขนังไว้
ราชาเจ้า ผายีพ่อลูก

ป้านหมู่ช้าง หนุนเข้าข่มพล
โยธาท้าว เหลือดินเดียระดาษ

ทั้งสี่ด้าน เทิงฟ้ามืดมัว
สว่าๆเบื้อง หัวหมื่นไทขัน

กลองแลตี เกี่ยวกันจี่แจ้ว

แซวๆท้วง เสียงนันซีซว่า
สะในเกียกท้วง ดังก้องมี่นัน

เมื่อนั้น ผู่ใสท้าว พญาใหญ่สองเมือง

พระก็ โยงกลองไชย์ ตื่มตีเติมท้วง
วางสะบูก้อง ดังนันเค็งคื่น

พระบาทเจ้า เมืองกว้างเป่าสังข์
เสียงคื่นก้อง เท้าทั่วบนดิน

เขาก็ ไหลพลแพน ออกเวียงยีย้าย
แต่นั้น ยนๆก้้า คนหาญขุนเอก

ทงยอดแก้ว สารกล้าออกเวียง