Page 421 - ebook.msu.ac.th

๔๑๐

จักเล่าขอ ทานกินแลงงาย ดั่งคิงเป็นข้อย นี้เด

อันว่า ค้าทุกข์นี้ หากมาแขวนคออยู่ เฮานี้

ได้เป็นญิงแม่หม้าย ไลฮ้างแจ่มสมร นี้เด
แต่นั้น สองนางไห้ ตีทวงกิ้งเกื่อน

นางสนมหนุ่มน้อย เฮฮ้องคั่งทวง

เขาก็ ผัดแต่เนื้อ นางนาถจันทา
เอาจันทน์มัน อาบองค์ฮมเนื้อ

เอาจันทร์มันไล้ ทาคีงนางนาถ
ทงเคื่องย้อง นางฟ้าไป่ปาน

เขาก็ มามอบท้าว ทันที่หอสนาม
ทั้งนารีสนม หกหมื่นนางถวายเจ้า

เมื่อนั้น ราชาเจ้า ทั้งสองซมซื่น

สองแจ่มเจ้า บาท้าวเล่าปัน
อันว่า ค้าเพิงไว้ เมืองสรวงเทียมพ่าง

นางจันทะแจ่มไว้ เทียมท้าวที่ขวาง

สองแจ่มเจ้า งามยิ่งเสมอกัน
ตาไหลเลื่อนงาม ดั่งนางนครฟ้า

นักสนมน้อย นงฮามหกหมื่น
เกือกส่้าแม้ง คือแก้วแว่นแยง

แขนกลมเกี้ยง เลาคีงอ้วนอ่อน
นมตุ่มตั้ง สองเต้าเซี่ยนงาม

ผิวมุ่ยเกี้ยง ตาเหลือกไหลงาม

เฮียกซื่อว่า นางค้าไข ก่อมผิวงามแย้ม
นางนี้ ไว้แก่บาหาญท้าว เมืองขวางขุนเอก

มันก็ฮักฮูปน้อง ถนอมไว้บ่วาง

นางหนึ่ง เนื้ออ่อนเกี้ยง แขนก่องแพนงาม
ค้าแดงผิว อ่อนงามทั้งแย้ม

เฮียกซื่อ ค้าสิงห์แก้ว นางงามน้อยนาถ
ตาเหลือกแย้ม ขวาซ้ายช่างแล

นางนี้ ไว้แก่ท้าวทุ่มก้้า หนแห่งเมืองสรวง
ก็หากเพิงกะใจมัน บ่วางถนอมไว้