Page 423 - ebook.msu.ac.th

๔๑๒

นางนี้ ไว้แก่ท้าวมวลผู้ คนชั้นที่ขวาง

นางหนึ่ง ซะแลบเนื้อ เกี้ยงเกิ่งผิวทอง

เลาคีงโสม สิ่งแมนลงแต้ม
ตาคางคิ้ว กอมงามไหลเลื่อน

เฮียกซื่อ นางนาถฟ้า ทองเข้มเขื่อนแข็ง

นางนี้ ไว้แก่ขุนชินราชก้้า หนแห่งเมืองสรวง
ก็หาก เพิงกะใจมัน ซู่วันเอาอ้าง

นางหนึ่ง บังซันเนื้อ ผิวขาวเขียวอ่อน
ตาเคี่ยมคิ้ว แลเหลื้อมเหลือกไหล

นิ้วแลบส้วย แขนก่องแพนงาม
คอกลมแกวน กาบเชิงตาป้อง

นมสองเต้า หมากตูมทองคือเซี่ยน

ยามเมื่อ ยัวรยาตย้าย ตากะด้างจอบมอง
เฮียกซื่อว่า ค้าหยาดฟ้า น้อยนาถนางงาม

ตาไวนาง เคี่ยมคมสมรแก้ว

นางนี้ ไว้แก่บาหาญก้้า เมืองขวางขาวขิ่น จิงเทอญ
มันก็ ซมซื่นได้ นางแก้วแทบเทียม

นางหนึ่ง ตาเคี่ยมคิ้ว สมดั่งมันไหล
คีงควรขาว กาบงามเลาอ้วน

แขนกลมเกี้ยง แพนงามเนื้อค่อง
นมตุ่มตั้ง สองเต้าตุ่มเต็ม

เนื้อฮาบเกี้ยง แอวกิ่วคอแกวน

เฮียกซื่อว่า นางค้าแวง เคี่ยมคมงามคิ้ว
นางนี้ ไว้แก่ขุนอวนก้้า เมืองขวางหลานทุ่ม จิงเทอญ

ก็หากดูแม่นแม้ง บาท้าวกอดซม

นางหนึ่ง ผิวอ่อนเกี้ยง คือคู่นีละบล
ตาค้างาม ใหญ่ไหลเหลือแม้ง

ทกเคี่ยมไว้ คอยเหลือกแลหลิง
สองตาไหล เหลือกชายพอกะด้าง

ชายใดเห็นปวดดิ้น จิตหว่าลืมคีง จิงแล้ว
ยามเมื่อ ลีลาโสม สิ่งลมพานพ้าว

คีงงามเพี้ยง แขนกลมแพนยิ่ง