Page 443 - ebook.msu.ac.th

๔๓๒

แต่นั้น ชายหมื่นจื้น ตีม้าแล่นเถิง

ลูงเล่าเปื้องดาบกล้า คมก่องกอยฟัน
นรินทร์ยอตาวลับ ผาดผันผยองขึ้น
ลูงเล่าคัวจับด้าม ยอฟันง้าเงือด

อันว่า เถ้าหมื่นจื้น ปางนั้นแสม่งวาย
นับแต่เชิงไวนี้ ก็ลือกูแวนยิ่ง ลินเอย
กูนี้ เคยย่อนหลิ้นลวงง้าว ไกวเบื้องแกว่งระเม็ง นั้นแล้ว
๏แต่นั้น ลินเล่าฟ้อนเปื้องซ้าย เปื้องเปี่ยนมือเสีย
ลูงเล่าโลเลคึด บ่ทันหนีเต้น

ปายตาวเกี้ยว แขนถงขาดเลือด
ไหลเฮื่อย้อย ฮ้าหน้าม่างแดง
ลินว่า ลูงจักมรณาตเมี้ยน ตายซ้้าคอบหลาน แลนอ

เมื่อนั้น ชายหมื่นจื้น คึดเคียดมีมาย
มันเอินเทินเสียง ต่อขุนดูฮ้าย
เห็นว่า คีงจวนเถ้า ชราการดูหมิ่น ว่าลือ
ลูงจักเมืออยู่ซ้อน เมียแก้วแห่งหลาน หั้นแล้ว

คืนเดียวได้ ซาวทีซิถือผ่อน ลินเอย
เมื่อนั้น ลินเล่าเอิ้น ค้าฮ้ายด่าลูง
ชังท่อเถ้าขี้แฮ้ง มากล่าวค้าสะหาว ซวดนี้
มึงจักตายเป็นผี คอบตาวกูช้า

อันว่า คีงชราหน้า โขนโซนหนังเหี่ยว ลูงเอย
ชังท่อมึง หากมาโอดอ้าง ค้ากล้ากล่าวเคียว นี้เด
ลูงเล่ายอเงือดง้าว คมก่องกอยฟัน
นรินทร์ยอลาฮับ ป่ายฟันทางพื้น

ปายตาวเกี้ยว กกขาเลือดหยาด
แต่นั้น เจ้าหมื่นโม้ มีช้าแล่นเถิง
มันก็ฟันป่ายเปื้อง เลยเป่งกอยแฮง

ต้านรินทร์ ไหล่เภตายเมี้ยน
ลือกูเถ้า ผมถอยหาญซวด เฮ็วนา
ไผผู่ขันต่อต้อง ขวัญฮ้ายฮ่อเผือ หั้นแล้ว
อันว่า ชายหมื่นจื้น เลือดทั่วทั้งคีง มากแล้ว
เขือก็ฮุมเอาหัว มอบถวายเถิงเจ้า

ฮางวัลให้ สองเขือเถ้าแก่
ที่ทันพลเพื่อนล้ม คือน้้าบ่าฝาย
แต่นั้น ทองสูญทงคอช้าง พายสารฟ้าฮ่วน มาแล้ว

มันก็แยงหมู่ก้้า เคือท้าวยอดหาญ
คือเล่าใสซั่นช้าง สารใหญ่ควงสวรรค์