Page 490 - ebook.msu.ac.th

๔๗๙

เมื่อนั้น สุริยาตย้าย เข้าขอบเขาเสมรุ

พระก็ ยวงพายค้า แทบเกยเฮียงฮ้าน
แยงสถานห้อง หอปางสารจอด
ดีท่อสามแจ่มเจ้า นางแก้วด่วนเฮียง

เถิงที่สาลจอดกว้าง สถิตฮ่วมเฮียงพญา
สาวสนมหลาย หลั่งเติมตามเจ้า
เมื่อนั้น ราชาเจ้า ทั้งสองกษัตริย์ใหญ่
พระก็ เซาแห่งห้อง สาลกว้างซู่พญา
เมื่อนั้น ผู่ใสท้าว เสวยโภชเลยนอน

จันทรังเฮือง เมฆโพยมยังฟ้า
เถิงเมื่ออรชอนช้าย กุฏโฏตีงตื่น
พระก็ ลุกสว่ายหน้า หวายน้้าโสรจสรง

หื่นๆก้อง พลหลั่งไหลนอง
พระก็ ทงพายสาร ค่อยลีลาย้าย
พลไหลล้น อนันนองนับโกฏิ
พระค่อยย้าย พลตื้อหลั่งไหล แท้แล้ว

๏เมื่อนั้น พลโลกเท้า ดงใหญ่ภูสิงห์
ยนๆไหล ทั่วบนดินฟ้า
หลิงเห็น บุพผาสร้อย แสนกองกางกิ่ง
หอมฮ่วงเฮ้า ดงกว้างจ่อบาน

ดวงดอกไม้ ก้านก่องบุพผา
ภุมราเซยซม กิ่นหอมในด้าว
เตยตาวต้อ เลเตหอมกิ่น
สักกูณานกหลิ้น ซมกั้วม่วนไพร

แต่นั้น พลล่วงเท้า ดงใหญ่ภูแสน
หลายวันคืน ค่อยไปยวงย้าย
พลหลายม้ม ภูแสนกายเขต

เจ้าก็ เข้าป่าไม้ หลายมื้อพ่้านาน
แต่นั้น พระก็ลัดล่วงเท้า เถิงเขตภูเล็ง
หลิงเห็นดวงนารี เฮื่อบานใบซ้อง
พลนองเท้า เทิงภูเดียระดาษ
ฟังเสียงทาดๆน้้า โตนห้วยฮ่อมผา

พระก็ ขว้ามซ่องนั้น กายซ่องผาซัน
มีแต่เสลาหิน แผ่นเต็งตันหน้า
ผ่อเห็นสะพาดก้วย ใบป่งแคมทาง แลเยอ

หลายถันแถว หมู่จวงจันทน์ไม้
พลแพนท้าว ดอยหลวงภูหาด