Page 111 - ebook.msu.ac.th
P. 111
คำสอน : เรือนอีสาน
ณรงค์ศักดิ์ ราวะรินทร์
การขุดถมก่อสร้างเฮือนต่างๆ
อันหนึ่งน้ำบ่อแก้วทั้งหมู่ฮูเลา ก็ดี
คันว่าใผไปถมสร้างเฮือนกวมไว้
ก็จะจิบหายแท้ บ่มินานจิตายจุ่มไปแล้ว
อันนี้ธรรมกล่าวห้าม ก็อย่าได้ล่วงคองแท้ดาย
อันหนึ่งคันมีไม้เป็นตอลำใหญ่
ขุดถิ้มแปงแล้วฮาบงาม
แล้วเล่าปลูกเฮือนตั้งกวม
ขุดตอใหญ่ขวางขนาดแท้ จิบหายเสี้ยงซู่อันแล้ว
อันว่าจอมปลวกนั้น
ขุดก่นหนีเสียก็ดี
แล้วเล่าปลูกเฮือนกวมบ่ดี ขวางฮ้าย
อันหนึ่งสระหนองนั้นมีมาแต่เซ่นเก่า
ถมให้งามฮาบเกลี้ยงปลูกเฮือนสร้างก็บ่ดี
อันหนึ่งเฮือนสองหลังแล้ว
เอามาเป็นหลังหนึ่งก็ดี
ก็หากขวางขนาดแท้
คำไฮ้บ่เหือดเฮือนนั้นแล้ว
อันหนึ่งเป็นเฮือนแล้ว
พอยเลวลงมาแปงตูบสันนั้น
แม้นว่าจะซื้อม้าควายช้างก็บ่ดีแท้ดาย
ชาติทิโทหลวงแสงใสเฮืองฮุ่ง
บ่ห่อนแปพลิกปิ้นเป็นแก้วหน่วยดาวนั้นดาย
109