Page 225 - ebook.msu.ac.th

๒๑๔

แซวๆเสียง ด่ากันค้าฮ้าย

มีทั้งกวางซายได้ ซาวปายตัวใหญ่

ฝูงกวางชายสะมั่งได้ พอฮ้อยแปดปาย
อ้ายทอกได้ ตัวหนึ่งทั้งแคน

เยืองผาสาม สี่ตัวฟานโป้ง

นับแต่ดอนเดียวนี้ กวางฟานดูสพาด
พระบ่ช้า โยงค้องป่าวเมือง

ลางคนหามหมู่เนื้อ ตัวใหญ่กวางฟาน
ฮมๆเขา เลิกเมือมียั้ง

ฝูงหมู่คานหามเนื้อ นองล้าขีนไขว่
บางพ่องตัดบั้งไม้ มาหลิ้นปี่แก

๏เมื่อนั้น ผู่ใสท้าว เสด็จฮอดมีนาน

พระก็แยงหอสูง ค่อยลีลาขึ้น
พานหามเนื้อ แยงวังเวียงท่า

ขึ้นสู่ฮ้าน กองเนื้อแต่งปง

แต่นั้น พานบ่ช้า เลยปาดมังสัง
บ่เหิงนานสัง แต่งดีดาจ้้า

มาถินเด๊ออาฮักด้าว ดอยสูงหิมเวส
ให้สูมาซ่อยค้้า ตูข้อยให้หมาน แด่เนอ

กับทั้งค้าปู่เสื้อ พร้อมพ่้ามากิน
คุณภูบาล ซอกหายังเนื้อ

กินเยอ พานหลวงเจ้า ขุนแซงนางนาถ

มากินคุณพระบาทเจ้า หาเนื้อเถื่อนหวาน แด่เนอ
กับทั้ง ชะงาดท้าวปู่พื้ม ทวยเทพดงดอน มากินเยอ

คุณราชา ซอกหายังเนื้อ

มากินเยอ ปู่ดอกหญ้าดอกเจ้า ผู่อยู่ขาแค
มากินทั้งสายฮุน ปอดดีทั้งเดี้ยง

ตูได้ซิ้น กวางฟานหมูทอก
เยืองผาซายใหญ่น้อย เชิญเจ้าพ่้าเสวย

ตูท้าเห็นแจ้ง พลีกรรมจ้าแจก
สูฮีบมากินให้เผี้ยน คุณไท้ส่งหวาน แลเยอ

อย่าให้ผิดแผกก้้า ผีใหญ่หิมพานต์ นั้นเนอ