Page 284 - ebook.msu.ac.th

๒๗๓

ท้ามุงคุล เบิกบาศรีเจ้า

เสวยไข่แล้ว วางภาสถิตอยู่

เอาหมู่กัมพลผ้า ถวายเจ้าซู่อัน เจ้าเอย
เดียระดาษล้น ฝูงหมู่เงินค้า

ถวายบุญเฮือง ซู่อันดาถ้วน

คัชชนามนั่งเมือง

๏เมื่อนั้น พระเสวยเมืองสร้าง จ้าปานครราช
ล้วนส่้าท้าว ทูลไหว้อยู่ชะลอน เจ้าเอย

บ่มีได้เดือดฮ้อน สัพพสิ่งเงินทอง
การเมืองพระ ได้ฮุ่งเฮืองในพื้น แท้แล้ว

เมื่อนั้น เสนาท้าว ขุนหลวงน้อยใหญ่

ซมซื่นแม้ง จอมเจ้านั่งปอง
แสนเมืองเจ้า อินทร์สวรรค์เพ็ชล่วง

ทั้งหาญล่วงฟ้า ทองห้าวเล่าถวาย

กงพะลีแก้ว อีสูรเลยทอด
เขาก็มาขาบน้อม ถวายเจ้าพระยอดเมือง

ชุมนี้ เป็นยอดเซื้อ พญาใหญ่แสนเมือง แท้แล้ว
เนืองนันจา ฮีบมาถวายเจ้า

เสนาน้อย เนืองเทียมถวายบาท
ทุกท่านท้าว มาน้อมสู่ขวัญ แท้ดาย

เมื่อนั้น สะอาดเนื้อ ท้าวหนุ่มพิมสาร

ทั้งขุนเหินหิน ยื่นยอถวายน้อม
กับทั้งบาคานท้าว นรินทร์พรหมโลก

เขาก็มาคู่หน้า ถวายเจ้ายอดเมือง

บ่เดือดฮ้อน ซมซื่นยินดี แลนา
ขุนหอฟ้า ขุนจันทร์นะภากาศ

สองแจ่มเจ้า มีช้าฮีบถวาย
ธรรมชาติเซื้อ ลูกหมู่เสนา ก็ดี

ทั้งญิงชาย ซู่คนดาถ้วน
เพื่อให้เป็นคุณแท้ ราชาใช้ซ่วง

ตามที่พระยอดแก้ว ควรใช้ซ่วงตีน แท้แล้ว