Page 328 - ebook.msu.ac.th

๓๑๗

ตามแต่นามนางคาน พระยอดเมืองถวายไหว้

ซื่อว่า เทวีแก้ว ปทุมากษัตริย์ใหญ่
ชาวเทพพร้อม ถวายไหว้บอกนาม
แต่นั้น สะอาดเนื้อ โสมสะอาดพิมมะสาร

บ่มีนานทูล ขาบกลอนนางแก้ว
มันก็โยงเสียงฮ้อง ขวาๆถวายบาท
บนบอกไว้ นางแก้วแก่นสมร
ซื่อว่า เทวีช้อย กษัตรีเยาวะราช
สองอ่อนน้อย นามแก้วเกิ่งกัน

อันว่า นางนาถเนื้อ ขัตติยะราชสีไว
โสมพาวพันธ์ อยู่เผือแฝงซ้าย
อันว่า สองนางไว้ เสมอกันปุนแต่ง

เมืองฝ่ายพุ้นฝ่ายพี้ สองเบื้องผ่ากาง
พระแต่งแล้ว เลยเบิกบาศรี
สามนางเทียม อยู่เผือแฝงท้าว
พรหมณาพร้อม ถวายพรตามฮีด

ชาวเทพไท้ ประสงค์หลิ้นเสพศรี
เสียงเสพแก้ว สนิทยิ่งเมืองคน
เพื่อนลือซากินนรี เสพระบ้าลือล้้า
สิงห์โขนฟ้อน ทัวระทวยหลึกหลาก ก็มี

บางพ่องบินสอดพื้น ทะยานล้้าล่วงลือ
ยาบๆเหลื้อม หลายภาคนานา
ภูเงินงาม หลากลือเชิงหลิ้น
หมดกะบวนก้้า ภูเงินไกลาส แท้แล้ว

๏แต่นั้น ชาวลุ่มฟ้า เลยหลิ้นหลากเชิง
เขาก็ผุดผาดเต้น โตนวิ่งหอสูง ก็มี
หลายเซียงเชิง ไต่โตนปายไม้

บางพ่องจูงควายเข้า มาชนในขว่าง ก็มี
บางพ่องใสส่้าช้าง ซูเข้าข่มบาง
ถือดาบง้าว เต้นล่วงพันลา
บางพ่องถือทวนยวง ฟาดแทงคาพื้น
ลางคนส้าแดงหลิ้น งูหลวงเกี้ยวกอด

สับข้างฟ้อน ทะยานขึ้นฮับเทิง
ลางคนกุมกอดป้้า กันท่าวทั้งหลาย
ยืนเทิงตอ หลิ้นระเม็งกวนฟ้อน

ลางคนสับพันหลิ้น หงายตนลงป่อง ก็มี
หย้อนดาบง้าว คมกล้าแปดดวง