Page 344 - ebook.msu.ac.th

๓๓๓

๏อันหนึ่ง ฮาจักหลิงดูเบื้อง การเมืองปูแต่ง

ดาวนักขัตตะรืกฟ้า วันแม้งแม่นดี
จักแทนคุณเจ้า คัชชนามคุณมาก
เหมือนเลือดเนื้อ อุทรท้องแม่เดียว

ถวายเลือดเนื้อ บูชาตอบแทนคุณ
เหนือหัวพระ ยอดบุญถนอมเลี้ยง
เมื่อนั้น พระกล่าวแล้ว ถามหมู่หมอทวย
วันใดดี กอดสองเฝือท้าว
หมอประนมมือไหว้ ราชาตามแพ่ง

ฝูงส่้าข้า เห็นแจ้งแจบกะใจ
พอสังกาสได้ ฮ้อยแปดสิบสามเดือน
เจียงเพ็งจันทร์ แจ่มดวงเหนือฟ้า

มิคสีละแม้ง วันดีมื้อปอด
นักขัตตะรืกถ้วน ปะมาณได้ห้าตัว
มื้อกาบเฮ้า วันปลอดพระอังคาร
จันทรังสีแฝง ประเสริฐดีเฮืองแจ้ง

ในวันจันทร์ยามเช้า อุทธังแวนประเสริฐ
เสาร์อยู่ข้าง แฝงก้้าฝ่ายกันย์
ลัคนาเนายั้ง ปะจิตตาราศีเมษ
ราหูหลวง มิคะกันย์เนายั้ง

ดาวอังคารตั้ง เมถุนสถิตฮ่วม
ปะหัสบดีแล่นยั้ง แฝงเฝ้าฝ่ายสิงห์
เชิญพระปุนแต่งตั้ง วันพุธแปงเมือง ชอบดาย
หมอก็ทูลอาคม บอกยามให้จิงแจ้ง

เมื่อนั้น ราชาเจ้า ทั้งสองเสด็จจาก กันแล้ว
พระก็ให้ป่าวค้อง ตีเท้าทั่วพล
วันพุธนี้จักป้้าไม้ ถางป่าแปงเมือง ว่าเนอ

เขาก็เตินพลแสน ชู่ภายตีค้อง
แม้งหนึ่ง พอวันใสซ้าย ทินกรลับเหล่า พุ้นเยอ
ฟังเสียงพิณพาทย์ค้อง แคนไค้ขุ่ยซอ
สังข์ปี่ไค้ เพ็งพาทย์สวนไล
เภรีกลอง เสพนันคุงฟ้า

แม้งหนึ่ง พอคับคาค้าย เถิงแถใกล้เที่ยง
เสเนตรน้อม ลาเจ้าเลิกเมือ
เมื่อนั้น ผู่ใสท้าว ซมกอดนางนอน

คอนๆหลับ ชั่วยามในผ้า
พอเมื่อ ดาราข้อน ทักขิณแฝงฝ่าย แลเยอ