Page 381 - ebook.msu.ac.th

๓๗๐

ข้อยก็ ดูนพายสาร เกียวเกากวนฆ่า

ตูก็โฮมเอาได้ กงทองหัวซึ่ม

ถวายแก่ พระแผ่นหน้า พอฮู้เยื่องหาญ
๏เมื่อนั้น สองแจ่มเจ้า ยินซื่นชมงัน

เขาหากพาโลแข็ง กล่าวซูซนช้าง

บัดนี้ ควรที่แปงเวียงกว้าง จนหลวงนครราช
พระก็อว้านไพร่ฟ้า พลตื้อล่วงเต็ง

ข้าเขือกก้อง กางท่งแปงเวียง
ไกลโฮงสาล หมื่นวาดูใกล้

ตีนเวียงล้อม เป็นคูค้ายใหญ่
คื่นๆก้อง กลองเสพนันเนื่อง พุ้นเยอ

เขาก็ วางสะบูหลวง คื่นเค็งคุงฟ้า

ในเวียงกว้าง แปงปุนสร้างใหม่
เศิกใหญ่กล้า เต็งบ้านยาดเมือง

จิงเกิดเดือดฮ้อน เถิงราชเล็งโญ นั้นแล้ว

พญาผายีเดือดฮ้อน

๏บัดนี้ จักกล่าวเถิงราชาเจ้า ผายีฟ้าหยาด
ท้าวเที่ยงเข้า ทูลนิ้วแนบกลอน

ดูดั่งเศิกทุ่มท้น เหลือแผ่นธรณี พระเอย
โจรมารแข็ง คอบพลตายเสี้ยง

ข้าน้อยคูณพายเข้า บ่มีหนชนผ่า

ก็จิ่งเสียแก่นแก้ว หลานท้าวซึ่มหาญ พระเอย
เมื่อนั้น ผู่ใสท้าว บังเกิดโกธา มากแล้ว

พระก็เตินเสนา ชู่คนมาพร้อม

ผายค้าต้าน การเมืองฮ้อนเดือด
เศิกท้วมบ้าน เมืองซิล้มมุ่นทะลาย พ่อแล้ว

ท้าวก็เล็วฮบได้ ท้าวซึ่มเสียหัว เพื่อนแล้ว
ทั้งกงทองพายสาร ท่านหุมเอาได้

ในนิคมคามบ้าน ธานีทางนอก เฮาพุ้น
เขาก็ไปยาดฮื้อ เมืองบ้านเป่าแปน พ่อแล้ว

บัดนี้ เขาก็มาลวดตั้ง เมืองใหญ่ดินเฮา