Page 511 - ebook.msu.ac.th

๕๐๐

ยังเล่ามวลมอบให้ ของฝากนายเมือง

ฮางวัลหลาย สิ่งของเทให้
เมื่อนั้น บุญเฮืองเจ้า เทวีค้าหยาด
นางฝากลุกแก่นไท้ หลายฮ้อยเคื่องควร

กับทั้งลูกสะใภ้ นางนาถสามกษัตริย์
นางก็บัณณาการ มอบนางคนใช้
เมื่อนั้น พระกษัตริย์ไท้ ทั้งสองต้านสั่ง
ถามข่าว พระแก่นไท้ สามตื้อแต่ไกล แด่เนอ
กับลูกสะใภ้ นางนาถสามกษัตริย์

ถามข่าวจอมนาง พระลูกเฮาแสนตื้อ
เผือข่าวจตุราเจ้า จอมเมืองค่อยอยู่ดีแล้ว
เผือพ่อได้บ่น้้า เมืองฟ้าโสรจสรง ว่าเนอ

พระก็ ยังจักใช้บ่าวแก้ว ทูลราชสาส์นค้า
ให้พระปงใจฮัก แห่งเผือสองเถ้า
อย่าได้ไลลืมก้้า สองเผือพ่อแม่
ให้ลูกฮักต่อเถ้า นีระพานพุ้นจิ่งหาย ว่าเนอ

๏แต่นั้น นายขาบเกล้า แล้วเล่าลาลง
หลายคนหาม เคื่องคานพอล้าน
เมื่อนั้น องค์กษัตริย์เจ้า อาลัมพญาใหญ่
พระลวดต้าน เตินท้าวสั่งนาง

แต่นั้น นายมอบไหว้ ขอหมู่ลวาอา
ภูมีพระ มอบวางเวนให้
แม่ก็วันทาก้ม สามทีแล้วกล่าว
ขอให้สองแก่นไท้ สะเถียรหมั้นหมื่นปี แด่เนอ

ข้าน้อย จักเดินประเทศด้าว ไกลบาทสองกษัตริย์ ก่อนเทอญ
เมื่อนั้น สองภูมี กล่าวจาจงต้าน
ค่อยไปดีเยอ รัตนังแก้ว พระมารดาบุญประกอบ กูเอย

ถามข่าว ลูกพระผู่แผ่นหล้า แสนตื้อแต่ไกล แด่เนอ
แม่พระเมือเสวยราชพุ้น โดยชอบยาวยืน แด่ท้อน
บัดนี้ เฮาหากไกลกันเสีย บ่ฮ่างพอเห็นหน้า
แต่นั้น มารดาก้ม ปะนมกรแล้วเลิก
ดีท่อ อามาตพร้อม แหนเจ้าซู่เฮือน

สะพาดพร้อม ชาวแม่ลวาอา
เขาก็ยินดีปะ ใส่เฮือนวางย้าว
ยังค่อยดาดีด้วย ดอมตีนพระแม่

ฝูงส่้าข้อย สาวใช้แต่งไป
แต่นั้น นางก็ห้างช้างแก้ว สารเผือกหอค้า