Page 515 - ebook.msu.ac.th

๕๐๔

จตุราท้าว ถวายเมืองยอมอบ

นางก็ ทงสืบสร้าง กาสีกว้างนั่งปอง
อันว่า เส็งเส็งท้าว ขุนอินทร์อวนซึ่ม
บาก็ปุนปูกไว้ เขาเจ้าแต่งตาม

เมื่อนั้น สามเตินถ้อย ต้านตอบนางกษัตริย์
ทูลนางเมือง บอกตนเป็นข้อย
ซื่อสาขาท้าว กษัตริย์ทงบรเทศ
เป็นข้อย เจ้าลุ่มฟ้า คัชชนามท้าวยอดพญา
ข้อยนี้ อยู่ประเทศก้้า หนแห่งเมืองขวาง

ก็หากเป็นทาสา สว่ายสินนางแก้ว
ข้อยนี้ ซื่อว่าพานิโชท้าว เมืองสรวงประเทศ
เกวียนฮ้อยเหล้ม ฟังแล้วให้จื่อจ้า

ก็หาก เป็นข้อยผู่แก่นแก้ว พญาใหญ่คัชชนาม
จักมาซ่อยเจ้า วิเสสนางพญา
ถวายอากร มอบตนตัวแจ้ง
ข้อยนี้ ซื่อว่าฟ้าหยาดท้าว บรเทศทางไกล

ก็หากเป็นทาสา สว่ายไฮจอมเจ้า
ข้อยก็อยู่ประเทศเบื้อง หนแห่งผายี
ก็หากเป็นทาสา สว่ายไฮนางแก้ว
เมื่อนั้น มารดาเจ้า ยินดีซมซื่น

ควรที่ ผู่แห่งเหง้า ปะสงค์เลี้ยงตอบคุณ แม่แล้ว
เมื่อนั้น หื่นๆก้อง นางนาถสามกษัตริย์
นางก็ทูลบุญเฮือง บอกตนเป็นใภ้
ข้าน้อย ซื่อกษัตรีซ้อย สีดาเมียพระราช

ก็หากเป็นลูกสะใภ้ นางแก้วแม่พญา
ซื่อว่าลูกแก่นไท้ พระราชจ้าปา
บุญเคยกัน เกิดมาเป็นน้อย

ข้าน้อย ซื่อกษัตรีแก้ว ปทุมานางนาถ
บุญคอบได้ เป็นน้อยแก่พญา
เป็นลูกแก่นไท้ กษัตริย์ราชภูเงิน
ข้าน้อย ถวายอากร บอกบนเป็นใภ้
ชาวแดนก้้า เขาเงินไกลาส

บุญคอบผู่แก่นไท้ เอาเลี้ยงให้กะเสิม แม่เอย
ข้าน้อยนี้ นามกรแต่เค้า ซื่อว่าสีไว แม่เอย
เดิมนามแนว เศรษฐีเป็นเซื้อ

บุญหลายได้ เป็นเมียพระราช
เนื้อลูกแก่นไท้ พลท้าวเศรษฐี